موقفي المخيف و أعجوبة هذا الذكر العظيم ...نجاة أشبه بالخيال

السلام عليكم يا أحلى حوائيات

حبيت اشارككم موقف عجيب حصلي اليوم لحد الآن مو مستوعبته
كنت طالعة أجيب بنوتتي من موقف باص المدرسة وهو بعيد تقريبا خمس دقائق مشي لكن المكان شوي معزول والشارع جاي بين شبه غابتين عن اليمين واليسار .. و هو طلوع تلة كمان .. بحاول اوصللكم طبيعة الطريق وكيف معزول... المهم انه لو يجي حد يخطفني أو يقتلني بهالشارع بالذات ما حد بيشوفوا ولا بيسمعوا
وأنا بمشي كنت عم أردد حسبي الله لا اله هو عليه توكلت وهو رب العرش العظيم خاصة انه عنا أمر ومعاملة عالقة وعم نحاول نمشيها من شئ أسبوع وما ضل معنا وقت لو ما زبطت رح نتعرض لمشاكل

كنت أردد الذكر على تطبيق اسمه سبحتي على الآيفون ... بطارية تلفوني كانت شبه خالصة و أنا بمنتصف الطريق طفى تلفوني لانه خلصت البطارية تماما .. وقفت ثواني والتفتت وراي ... بسم الله رجال من أصحاب البشرة السوداء ( معروفين بالمشاكل والأجرام ) بيمشي بخطوات متسارعة تجاهي ... لحظتها مليون سيناريو مر على تفكيري وصرت اسرع خطواتي قد ما اقدر مرعووووووبة .. مسكت التلفون أحاول اشغله عبث أكيد بتعرفو شكل فيش الكهربا والبطارية الحمرا اللي بتطلع عشاشة الآيفون لما يكون منتهي شحنه .. مرة مرتين تلات :( يا ربي أنا بحماك
قريت أية الكرسي ووصلت راس الشارع من فوق وصرت امشي باتجاه تاني تجاه احد البيوت البعيدة بخوف و ورجعت أردد الذكر العظيم بتوكل والرجال صار واصل راس الشارع ومسك موبايلو وصار يحكي ... ما بعرف شو المهني وحاولت اكبس وأشغل الموبايل .. بسم الله اشتغل وأنا صرت افرك عيوني مو مصدقة .. والغريب انه اشتغل على نسبة 34% بالبطارية !!!!!!!!!
وعطول رنيت عزوجي وأنا من الرجفة ايدي تهتز ..!! و مجرد ما رد امتلا الشارع سيارات رايحة جاي والزلمة الأسود لف وغير طريقه ومشى بالطريق المعاكس
تمنيت أسجد بهدية اللحظة .. إحساس شديد الرهبة لما الوحدة تعرف أنها برعاية وحما الله سبحانه وتعالى حسيت ترديدي للذكر كفاني همي واستشعرته بكل حرف سبحانك يا الله
وحسيت أية الكرسي كأنها رسمت حوالي حصن وسد منيع ابعد عني الشر اللي كان ممكن يحدث بقدرة الله وحده


اللهم لك الحمد حتى ترضى و لك الحمد إذا رضيت ولك الحمد بعد الرضا



اللي بتمر على موضوعي طلبتها تدعيلي بالولد الصالح عاجلا لا آجلا :)