موقفي المضحك المبكي مع طبيبه......تعالوا لايفوتكم...

مساء الخيييييييييير

كيفكم يابنات حووووواء الغالين

اليوم بكتب لكم مووقف صار لي في حملي الاول يعني صار له فتره بس كل مااتذكره

اخاف وبنفس الوقت اضحك ,,,,,,,, حبيت انكم تشاركوووووني فيه

هذا سلمكم الله كانت عندي مراجعه بالمركز الصحي وكنت للحين باول شهري السابع ..كانت مراجعه
عاديه يعني الحمدلله ماكنت اشتكي من شي...الا وادخل على ذيك الدكتوره وتسويلي سونار وتجلس تقلب
بجهازها يمين وشمال وفغصت بطني من كثر ماتضغط عليها ووجهها قالب الوووووووووووان:eek:
واقلها خير يادكتوره في شي تقلي لا.....المهم وهي تخلص وتقلي قومي..وتجلس تكتب بذيك الورقه
من كل قلبها والله حسيت انها تكتب معروض من كثر ماطولت ودبست الورقه 4 تدبيسات وقالت خذي
هذي وروحي الطوارئ....قلت لها ايش فيه ايش صاير قالت هناك تعرفين كل شي...

رحت الطواري وحط زوجي الورقه بالاستقبال وانا على نياتي جالسه بالانتظار العادي .. الاشوي تجيني
ممرضه مخترعه ..يلا ماما قومي بسرعه..وتدخلني غرفه فيها سرير وتقلي نامي هنا والتفت يميني
الا اشوف سرير للبيبي اللي يتحط فيه بعد الولاده .. واقعد اتبسم واتخيل وليدي خخخخخخخخخخ
الا ترجع لي مره ثانيه وتحط بيدي الاسواره اللي فيها رقم الملف والاسم..طبعا بكريه وهبله ومدري
ايش السالفه وولا اعرف ان هذي مايحطونها الا للي تبي تولد...

عاد هنا يجيني ابو الشباب ووجهه صاير كذا :44: وكذا :( ...عاد انا وقتها طاااااااااااار قلبي
واقعد اقله خير ايش فيه قال لا ولا شي قلت كيف ولاشي وجهك متغير..قال لا بس راسي مصدع شوي
وتعرفيني مااحب المستشفيات....ومشيتهااااا

وبنفس اللحظه يدخلون ممرضتين يقولون يلا ماما تعالي فوق معانا..قلت طيب نطلع معاكم نشوف ايش
اخرتها...........واطلع معاهم وامشي بذاك الممر الطويل لين ماوصلنا لباب كبير مقفل برقم سري
وتفتحه الممرضه وتدخل ويجي زوجي بيدخل قالت لابابا ممنوع هذا بس ماما عشان



ولاده


وانا اقول ايييييييييييييييييييييييييييييييش....؟؟

ايش ولادته الله يرحم امك...عاد هنا زوجي نطق قال ان التقرير مكتوب فيه ان البيبي تعبان مره وماعنده
مويه ولازم يولدونك باسرع وقت.........قلت اي تعبان واي خرابيط انا مافيني الا العافيه..قال زوجي
لاتعاندين يابنت الناس وروحي معاهم قبل لايصير شي بولدنا...قلتله ماصاير الا العافيه واصلا الدكتوره
هذي كذابه وماتعرف شي...وهنا عاد يعصبون الممرضات يقولون يلا امشي وانا ابكييييييييييييييييييييي

:icon33::icon33::icon33:

اقلهم مابي اووووولد..انا بالسابع تبغون تموتون ولدي...ويجلس يهدي فيني زوجي يقول ياما اطفال
انولدوا عالسابع ومافيهم الا العافيه...واقله انت تضحك علي شفت فلانه ولدها مات يوم ولدت بالسابع
وفلانه الثانيه كمان بنتها ماتت وفلانه وفلانه..........بيني وبينكم وحده بس الصدقيه والباقين من راسي
كله عشان مااولد.......:44:

وهنا عاد وصلت حدها مع الممرضات وقعدوا يسحبون فيني وانا.............................؟؟
قسم بالله ماتشوفون الا غباري جري بالممر وربي نسيت اني حامل ونسيت كرشي هههههههههههه

والممرضات يجرون ورايا كاننا طاش ماطاش((كل مااتذكر شكلي اموت ضحك))
واخذ اقرب مصعد وانزل بسرعه حتى زوجي خليته مع الممرضات....واوقف تحت عند الاستقبال
ويجون الممرضات يهاوشون بعدين مشكله لازم انتي في ولاده...وانا اقول لو تموتون ماراح اولد...

وتطلع وحده منهم وتكلم الدكتوره وتقلها اني موراضيه اجي............الا وشوي يدق تلفون الاستقبال

تتوقعوا مين.................؟؟

الدكتوره متصله تبي تكلمني ... صرت مهمه :icon28:

وجلست تحاول فيني اطلع مارضيت وحلفت لي بالله انها ماراح تولدني بس بتكشف علي قلت لها لا
انتي كذابه خخخخخخخخخخخ خربتها
قالت انا عندي حالات كثير ومقدر انزل قلت لها مو لازم تنزلين اصلا انا بروح البيت الا تقلي اعطيني
الممرضه بكلمها.....وشكلها انها وصتها تحرسني مااروح مكان....واصلا زوجي ماراح يخليني
اطلع لو بالاحلام...............

وشوي الدكتوره بذات نفسها نازله((وهي استشاريه ومعروفه على مستوى المنطقه اللي انا ساكنه
فيها)) وتقلي تعالي بسويلك تصوير...قلت لها بشرط قالت ايش قلت تسوينها تحت مو فوق واشوف الغرفه قبل لاتدخليني فيها....ماتت ضحك قالت طيب على امرك...((على فكره كان عمري 17 وخبله
ومدري ربي وين حاطني))

ورتني الغرفه وتطمنت ان مافيها الا جهاز سونار ودخلت زوجي معايا وتقعد تكشف وطووولت مره
بالاخير قالت قومي يابنتي الله يستر عليكي روحي بيتك مافيكي الا العافيه............

قلت صدق دكتوره قالت ايه صدق..قلتلها واللي في التقرير ايش هو..؟؟ قالت انا قاعده اسال نفس السؤال...............

واختكم بالله ماصدقت رحت للسياره جري من الوناسه...وزوجي قلي لازم نتاكد بمستشفى ثاني
وارجع اروح العصر واكشف مره ثانيه وقالوا نفس الكلام اني والبيبي بخير الحمدلله

عاد انا طرطعت ودي ارجع لدكتوره المركز الصحي واخنقها بس زوجي قلي اهم شي سلامتك وسلامه
البيبي وهي خليها بحالها ماعليك منها..........

((هنا نصيحه لكل حامل لو لاقدر الله قالت لك الدكتوره شي مو زين لاتتردي انك تستشيري دكتوره

ثانيه لان الاخطاء وارده واحتمال كبير تصير))

وبعد هذا كله اخلص التاسع واخذ فوق 10 ايام..قلت هذا اعجبته بطني شكله ماوده ينزل..خخخخخخخ
واروح المستشفى ويقرروا لي طلق صناعي واصادف نفس الدكتوره وتجلس تضحك تقلي ها تبين
تولدين ولا بتشردين زي ذاك اليوم خخخخخخخخخ قلت لها لالالالالا تكفين ولديني خلاص ابرتاح

وتوته توته انتهت الحتوته:

ايش رايكم