بسم الله الرحمن الرحيم
السلام عليكم ورحمة الله وبركاته.
أول شي مبروك عليكم الشهر (تو الناس)
كيفكم ياحريم عساكم بخير وحشتوني مابي أطول عليكم بالسالفه البارح الساعه 2 قالي زوجي بيفطرون عندنا بكره رجاجيل وأشهق ذيك الشهقه اللي طلعت روحي منها المهم قالي زوجي وجع وش فيتس قلت لا مافي شي قالي لا تسوين شي سوي فطورنا اليومي المهم ياحبيباتي السالفه مو سالفة وش أسو ي السالفة اللي شايله همها التحضير والربكه اللي قبل المغرب وخاصة ماعندي شغاله ولا أحد يساعدني وعندي طفل عمرة سنه دايما يصيح الله يصلحه تعوذت من ابليس وقلت اهجدي يامره رتبي امورتس قبل لا تنامين والحمدالله كتبت منيو للأكلات اللي بسويها طبعا ماكثرت عشان التبذير وهم موكثير خمسه بس سويت حلى قهوة وحلى بارد لفيت السمبوسه الجبن واللحمه وجهزت حشوة جيب التاجر وفردت التوست وحطيته بالثلاجه وسويت صينية مكرونه بالدجاج وحطيتها بالثلاجه وغلفت التمر وجهز الصحون والملاعق والكاسات والفناجيل ونظفت المجلس والحمدالله مانمت الا انا مخلصه @ كل هالأمور عدت على خير صحيت اليوم وقعدت أشتغل على مهلي كل شي خلصته يوم بقى على الأذان 20 دقيقه طفت الأسطوانه وقهوتي على النار والزيت عشان أقلي اللقيمات وتعالو شوفو بيتنا دق جرس الأنذار حالة طوارى أرتبكنا زوجي يطلع الاأسطوانه مرتبك يبي يلحق عليهم لا يسكرون وانا أحوس بالمخزن أدور دافور وركبت القهوة وخلصتها باقي اللقيمات وانا أدق عل جارتي ترسلي دافورها والحمدالله خلصت قبل الأذان حنا علاقتنا بالجيران زينه راح من بالنا نستعير أسطوانه بس العجله وان أختكم ماخلتنا فرصه نفكر
أكيد بتقولون ماعندكم وحدة أحتياط الا عندنا بس فاضيه بعد العجز بزوجي الله يصلحه
الخلاصه من مرت بهالموقف وكيف تصرفتي وشكرا...........
أشواك ناعمه@ @ashoak_naaamh_9
محررة برونزية
يلزم عليك تسجيل الدخول أولًا لكتابة تعليق.
@@@الجوووري@@@
•
تصير باحسن العايلات انا اختس عااااااااااااادي
انا صرت لي ثالث يوم من رمضان بس الحمد الله كنت لحالي و زوجي بالدوام ..
ومن فضل ربي اهل زوجي كانوا عندي ثاني يوم وافطروا ومشوا للديره..
وقلت لهم يجلسون بس رفضوا والحمد الله انهم راحوا والا وش كنت راح اسوي ..
ومن فضل ربي اهل زوجي كانوا عندي ثاني يوم وافطروا ومشوا للديره..
وقلت لهم يجلسون بس رفضوا والحمد الله انهم راحوا والا وش كنت راح اسوي ..
الصفحة الأخيرة