موقفي اليوم مع زوجي

السلام عليكم ورحمة الله وبركاته


خواتي والله الذي لا اله الا هو اني ما اشوفكم الا خواتي
كل ماضاقت بي هالارض بكيت لله ثم جيت افضفض لكم
يمكن الاغلبيه تعرفون سالفتي مع زوجي


جديدي مدري وش افسره ابكي او افرح


زوجي طلبت منه اغراض للبيت ضروريه ومهمه وكان نفسي بحلا وصعب بيشتري لي قلت بطلب منه يجيب مع اغراضنا الضروريه هالشي


استجمعت قوياي ورحت له قلت نبغا اغراض للبيت كذا وكذا وكذا قلت معك عشان تشتري لي ؟


طبعا ما ذكرت له اغراض الحلا بس ذكرت اغراض البيت الضروريه
قال ابشري باللي تبين كلي لك
قلت يعني معك قال معي باللي تبينه كله مايهمك كثير قليل اللي تبين


مدري كيف فرحت وذكرت اغراض الحلا قلت توديني اشتري


قلب علي مامعي واللي معي بجيب فيه اغراض هالبيت
انا هنا حسيت بغصه حسيت نفسي مدري كيف


ما احب احد يرفع فيني السماء ولا صار الجد رماني بالارض


قلت توك تقول اللي تبين قال ماعندي من وين لي


سكت وطلعت بداخلي غصه وعيوني فيها بكا لكن ماني قادره اطلعها


والله ثم والله مازعلت عشان مو جايب زعلت ليه يعاملني كذا


مدري هو يستهبل علي ويلعب بمشاعري حتى انا والله استغربت كلامه لي كذا يرفع فيني


طلعت بدون شعور لان شعور كيف احد يقولك ابشري بعدين يعصب ويقول ماعندي


رحت غرفتي وجلست ابكي ولازلت ابكي كل ماتذكرت الموقف
ليه يشوف الفرحه علي كثيره
رجعني للهم والنكد والحزن


يكفي بس اني لوحدي طول يومي
صحيح عيالي معي بس والله احس بداخلي غربه واحس اني وحيده


ومشتاقه لامي كثير بس ما اقدر اروح لها مقدر


ممكن تشوفون الموضوع سخيف لكن والله كسرت الخاطر أليمه


ودي انحاش من نفسي مو بس عيالي وبيتي


ليه قاسي معاي سويت كل شي عشان اجذبه لي


تقربت له سويت اللي يبي تجاهلته عشت لنفسي
لكن هو هو مافيه شي يحركه اتجاهي


تعرفون شعور ودكم تحسون بالفرح هاذي انا والله الفرح من زمان ماجاني


نفسي اضحك بصوت عالي نفسي اطلع اشم هواء نفسي اعيش بدون مشاكل


وانا متاكده انه لازال مع اللي يعرفها وخرابيطه لذلك ماراح يحس فيني
نسيت اذكر حطيت العشا لعيالي وجا جلس معهم وقال نادو امكم نادوني قلت ماني مشتهيه راسي يعورني انتم تعشو


تعشا هو وطلع


الحمدالله ياربي حتى ترضا عني
الحمدالله على كل حال
لاتنسوني من الدعاء