موقفي صعب💔😭

مدري شسوي مابقالي الا شوي ورح انهار. انا عمري 14 وفيني حاله اكتئاب وطبعي هادئة وانطوائية بس السنة الماضية كنت اضغط على نفسي اسولف ووقت الفسحة اتفسح، بس الحين والله تعبت من التمثيل. اللي مجنني أن المرشدة غصب تبيتوديني دكتورة نفسية والطالبات متداولين إشاعة أن مافيني شي بس أمثل عليهم عشاني ابغى عطفهم وعطف الآخرين تخيلواا💔 البيت كل يوم مشاكل واللي في البيت يقولون اني جايبه لهم الهم والمرشدة تقولي انتي مزعجه كل اللي في المدرسة بسبب كئابتك والطالبات كل يوم إشاعة وإشاعة والابله بدون ما تسألني تصدق! اللي جنني أكثر اني رحت اليوم عند الابله اللي قالولي انها قالت لوحده من البنات اني جالسه اسوي تمثيلية وكذا وقلت لها كل شي بس احسها مو متقبلتني وكنت حافظة كلام طويل حق هالسالفة بس هي قاطعتني؛ وانا ادري ان الحل الوحيد اللي يخليها تسمعني وترجع تقبلني هو اني اقولها اللي كنت ناوية اقولوا بس انا مااقدر اروح مرة ثانية وافتح الموضوع معها بعد مانهينا محادثتنا اليوم. والمشكلة الثانية هي أن البنات قالوا ابله فلانه برضوا طلعت عنك كلام ونمن رحت لها اكتشفت أنهم افتروا عليها عشان يسوا فتنه لأنها تهتم فيني اكثر منهم. والحين المسكينه مصرة تباني اجيب لها البنت والبنت هذي امها وامي أصدقاء وانا ادري ان إذا وافقت رح تصير مشاكل في الإدارة! بس الابلة هذي من كثر ما اقدرها استحي انهر لها طلب أو أمر. أعطوني حل تكفون وابي اعرف اشلون ارجع افتح معاها صفحه جديده؟ شلون اهدئ من وضع الطالبات اللي معادييني؟