السلام عليكم ورحمة الله وبركاتة
مساء الخير للجميع
لي فترة مادخلت عالمنا الحبيب اختبارات وانشغالات الله لا يشغلنا الا بطاعتة
وجيتكم اليوم بمشكلة تكاد تكون متفشية بمجتمعنا
الا وهي
ليش اذا الشخص عندنا نال اعلى الشهادات يشوووووووووووووووف نفسة الا من رحم الله
وينطبق علية ياأرض انهدي ماعليك قدي
مهو الكل البعض والا فية كثيير الي ينحطون ع الجرح يبرا ويدخلون القلب بتواضعهم
انا بسلط المجهر ع عينة من النوعية هذة والي صار معاها موقف
بصراحة انقهررت من اسلوبها وتعاملها والمفروض تكون ارقى من كذا
خصوصا انها دكتوووووره
رحت المستوصف امس اودي بنتي لدكتورة الاسنان بالعادة نروح مستوصف خاص لكن يوم شفت فية دكتورة اسنان قلت خلنا نروح
لة (نحلل المستوصفات الحكومية )
المهم رحنا وجيناهم ع وقت البريك ع وقت صلاة الظهر وجلسنا ننتظر
وصلتهم تقريبا الساعة 12وربع والبريك عندهم تقريبا نص ساعة
وننتظر نص ساعة وشوي الا الممرضات والدكتورات راجعين لأماكنهم
وانتظر دكتورة الاسنان باقي ماجت واكلم الاستقبال واسألها
الا قالت شوي وجاية
وانتظر وانتظر الا تأخرت جت الساعة وحدة الا شوي
واروح اكلم الدكتورة وصراحة الي خلاني اكلمها يوم اسمع الضحك والسوالف
من غرفتهم يعني اكيد خلصوا صلاة وفطور وانا انتظرت اكثر من نص ساعة
ويوم كلمتها الا وااااااااضح انها زعلت تخيلو وش تقولي
تقولي انا مواعيدي محد يحددها انا احددها وشوي تنافخ
اناصراحة قلتلها دكتورة حنا لنا اكثر من نص ساعة ننتظر والبريك انتهى
وانا ماقلت كذا الا من القهر كم مرة يلطعونا
وعلى فكره انا جيتها قبل الظهر اسألها فية مجال تعالج بنتي قالت تعالي
بعد الظهر
وشكلها زعلت يابنات تخيلو وهي تلطعني للساعة وحدة ونص يعني اكثر من سااااااااااعة البريك
صررررراحة انا هنا انقهرت وكلمت الاستقبال الا تقولي انتظري شوي
قلت وش انتظر شوي ترا ورانا اشغال ومداومين من الصبح وانا سألتها فية مجال بعد الظهر
تقول اية اذا مشغولة لا تخلينا نجي وزوجي خلاني وراح
واجلس شوي
واقول مافية لازم حل للأستهتار بالمراجعين
وانا اروح لمدير المركز لأن زوجي مهو فية والا كان خليتة يكلمهم واقولة المشكلة الا سألني يقول الدكتورة ماهي في عيادتها قلت لا والساعة جت اكثر من وحدة ونص
وعلى طول يدق على عيادتها يتأكد والا ما ردت
وانا اروح واجلس في الأنتظار الا واشوفهم مختبصين هذة رايحة وهذة جاية
الا والدكتورة تروح غرفتها واسمع صوتها طالع وصكت الباب
بالمفتاح وشوي الا هي جاية تسأل ع الأرقام
وصراااحة بكل احترام تكلم ماكأنها الي قبل شوي
وعالجت بنتي وطلعنا
الي ابغى اقولة ليش ماتكون الشهادة والوظيفة تكون سبب في التعامل الراقي
مع الأخرين ولا تكون سبب للتكبر وشوفة النفس
الله يهدي الجميع
* اسطوره انثى * @astorh_anth
محررة فضية
يلزم عليك تسجيل الدخول أولًا لكتابة تعليق.
حبر شفاف
•
تدرين بعضهم ايش يصلح معاه يحطون للمراجعين تقييم لعمل الموظف زي شركات الاتصالات بعضهم ابناء وطن وبعضهم عرب تجيبهم الدوله وتصرف عليهم كلهم ابناء الوطن والعرب..رواتب زينه وحوافز وغيره وغيره ولمن تجين عنده كنه يدفع لك من جيبه بس على فكره هالحركات اشوفها عند الحريم اكثر من الرجال اما انت ماغلطت بالعكس لو كل واحد عمل زيك كان انعدلوا على قولة اخوانا المصريين ,,,,,ناس تخاف ماتختشيشتدرين بعضهم ايش يصلح معاه يحطون للمراجعين تقييم لعمل الموظف زي شركات الاتصالات بعضهم ابناء وطن...
ذكرتيني بطبيبة اسنان سعودية بالمركز
الدوام يبدأ الساعة ثمان وهي تجي على الموعد لكن تجلس بغرفة الممرضات وتسولف وتاركة المرضى ورا ظهرها وشفتها اكثر من مرة وهذا طبعها
والكل جالس ينتظرها ومتظايقيين من تصرفاتها
ورحت لمها وقلت ننتظرك قالت شوي ولو مارحت لها كان يمكن تاخرت أكثر
المشكلة المراجعات يتذمرن وماسون شي لااشتكن او على الاقل يكلمونها تجي تشوف المراجعات
وبعد ماجيت للبيت كلمت المدير على تصرفها علشان لو احد اشتكى للمدير يكون على علم باللي يصير داخل عيادات النساء
الدوام يبدأ الساعة ثمان وهي تجي على الموعد لكن تجلس بغرفة الممرضات وتسولف وتاركة المرضى ورا ظهرها وشفتها اكثر من مرة وهذا طبعها
والكل جالس ينتظرها ومتظايقيين من تصرفاتها
ورحت لمها وقلت ننتظرك قالت شوي ولو مارحت لها كان يمكن تاخرت أكثر
المشكلة المراجعات يتذمرن وماسون شي لااشتكن او على الاقل يكلمونها تجي تشوف المراجعات
وبعد ماجيت للبيت كلمت المدير على تصرفها علشان لو احد اشتكى للمدير يكون على علم باللي يصير داخل عيادات النساء
الصفحة الأخيرة
يحطون للمراجعين تقييم لعمل الموظف زي شركات الاتصالات
بعضهم ابناء وطن وبعضهم عرب تجيبهم الدوله وتصرف عليهم كلهم ابناء الوطن والعرب..رواتب زينه وحوافز وغيره وغيره
ولمن تجين عنده كنه يدفع لك من جيبه
بس على فكره هالحركات اشوفها عند الحريم اكثر من الرجال
اما انت ماغلطت بالعكس لو كل واحد عمل زيك كان انعدلوا
على قولة اخوانا المصريين ,,,,,ناس تخاف ماتختشيش