حليب الشتاء @hlyb_alshtaaa

محررة

موقفي مع ام زوجي والقهوة

مرحبا كبفكم يا عسلات
حبيت استشيركم في موضوع احسه حاز فيني موت الاسبوع قبل الي راح زرت اهل زوجي وكنت كاشخه وداخله بنية طيبه ويشهد الله اني طيبه وعسل وقايمه معهم بالواجب ولما يجوني اكرمهم وما اخلي احد يشيل شي بصراحه حنا كذا تربينا وعمري على مدى ثلاث سنين ما زرتهم الا انا اصب القهوة بطريقة او بأخرى ما الاقي نفسي الا مضطره اصب قهوة وهذا الشي عندنا عادي ما هو عيب صب القهوة لكن اكتشفت مع الوقت انو السالفه استغفال يعني بنتهم تحط القهوة وتسوي نفسها منشغله علشان انا اصب لحماتي وعمي وزوجي مع الوقت اكتشفت انو عندهم صب القهوة ينقص من الشخص وضعف شخصيه طنشت وقلت بتعامل على ما تربيت عليه الزبده وبدون هذره جلست عندهم شوي جابت ام زوجي القهوة وحطتها وبنتها جالسه وكالعاده مصرفه الموضوع بالايباد مع العلم انها مو صغيره عمرها تسع وعشرين وما بينا فرق انا اكبر بكم شهر القهوة قعدت على الطاوله خمس دقايق يستنوني اصب انا طبعا مطنشه الا شوي ابو زوجي يقول لحماتي صبي قهوة تخيلو صبت لزوجها والزوجي ولبنتها ونفسها وحطت الدله وقالت لي تعالي يافلانه تقهوي بالله ماهي قلة ذوق انا قلت لها يارب لك الحمد مابي قهوة طبعا مع الاحراج زوجي لاحظ الموقف وانا اخذت على خاطري بس ماشكيت لاحد بس بعدها طبعا زرتهم بعدها باسبوع ومارضيت اشرب قهوة صدق ناس قليلين واجب وش رايكم يا قمرات بالله مايزعل الموقف

13K

يلزم عليك تسجيل الدخول أولًا لكتابة تعليق.

تسجيل دخول

صغيرونه حنونه • 12 سنة

والله يضايق ،، ولا ابي ادخل بنيتها

بس من كرمني كرمته وانتي ماقصرتي ..

fatoomah123 • 12 سنة

ممكن المموضوع يزعل بس لا تكبرين السالفه وخليكي احسن منهم وعلي ماتربيتي عليه وسوي بنيتك وطيبتك وبالنهايه بيعرفون قدرك وبس

$$شيهانة الخير$$ • 12 سنة

الله يصلح الحال .. امين يارب

$آبغى افرح =\$

آبغى افرح =\ • 12 سنة

الحمدلله والشكر

معليك يا وخيتي وكلن يتعامل با اصله :)

والله يعطيك على قد نيتك واكثر

شهوده بنت صغيرونه • 12 سنة

الكرم صار ينقص القدر !!

معروف مايمسك الدلة الا كريم ...

والاحترام كل الاحترام منج للشخص انج تقومين تصبين له ... شلون تكون نقص!!

ماعليج منهم .. تعاملي بأصلج وتربيتج ... مره صبي وثانيه لا .. اذا تبين تتقهوين صبي وتقهوي .. والمره الثانيه تقهوي بالبيت ولا تقربين من الدلال ..

سددي وقاربي ... وماله داعي تشيلين بقلبج على قهوه .. اتركيهم بحال سبيلهم اذا هذي اقصى حدود لأفكارهم ...

انتي معززه ومكرمه .. منتي محتاجه دله وفنجال علشان تنعزين يا بنت الشايب :)