اللهم صل على محمد

صراحه عيب المفروض تصبلك قبل بنتها انتي الضيفه
ومادري ايش اقولگ
حتي اهل زوجي
بس بطريقه ثانيه يصبونلك فنجال
ويشلونها ويودنها لفلان وفلان بالاسم
حتي الحلا اذا جبته مايخلونك الا الفتات
يدخلونه داخل
والله مره كان عندهم عزيمه
والعشاء كان مره قليل صحن الحريم
ماكان الا انا وعمتي وبناتها بس
وفي احد من الرجال بيروح بيته
اخذوا الصحن والله من قدامنا نتعشي
وغرفت الصحن كله ودته
وغيره وغيره
بس مااحب انا اكبر المواضيع وتصير حسااسيه
اطلع لهم الف عذر وعذر
اقول ممكن مو قصدهم
واقول ممكن تمون علي
ومعتبرتني مثل بنتها والله يسامحهم
لان انا واهلي بعد
اذا جونا ضيوف ماشيل صينيه الحلا والقهوه
الا لتجديد اسوي غيرها وارجعها
واخليها ليمن يطلعون
واصلا طبع فيني ماحب اكل في بيت اخد
امد يدي مجامله لقمه وبس
ماعليش قصيت لك قصه حيااتي
بس عشان تعرفين
مافي احد خالي ولاحصلت له مثل هالموااقف
ولايهمك احد
والله يساامحهم

ههههههه والله حاااله 
لاحبيبتي غيري النظام. انتي ضيفه يصبون لك القهوه و يباشرون عليك 
بعدين اذا حبيتي انتي تصبين لهم بعز ماتتقهوين بكيفك بس اول شي ضيافتك 
زي اللي عندي يجيبون لي قهوة من العصر باردة و يقولون تقهوي 
هذا اللي نااقص اشرب قهوة باردة زي وجيههم والبيت مليان خدم وبنات 
انا اسميهاااا قله ادب وعدم تقدير وممكن كمان تطغيش اذا حبيتي 
الله يعين 

خيتو انتبهي يوسوس لك الشيطان وتكبر المشاكل

احس ان صب القهوه شي عادي انا احيانا اذا رحنا عند ناس اصب قهوه معهم من باب الاحترام والذوق مو معناته يستغفلوني

يمكن اهل زوجك تعودوا عليك ويعتبرونك اكثر من بنت عشان كذا مطيحين الميانه بصب القهوه

ويمكن ام زوجك ما انتبهت لك او تحسب انها صبت لك ونست ترى احيانا تصير مواقف ما ننتبه لها

لا اله الا الله