انتي تبين الحكم بنحكم عليك
بصراحه حركتك قلة ادب من الذرجه الاولى
اولا ليش الظلم
وش دراك انها غيرت اخوك عليكم
لو تغير بعد ماتزوج البلا باخوك اللي نساكم وش ذنبها هي
وبعدين تاخذ هدايا لاهلها كيف شفتيها ولا الظلم زي شرب المويا عندك
وبعدين ايش دراكي انها هي اللي فرت راس اخوكي على الناس
يمكن سال وسمع شي ماعجبه من الناس
ولا وش مصلحتها تخرب زواجة اخو زوجها وش عليها فيه تتوقعين يهمها اخو زوجها
ليش اللي بتجي بتدخل ضره عليها
ليش الظلم
انا لو اخو زوجي يتزوج جنيه ماعلي 
وش همني ماهي على راسي
وهذا اهم شي
واخر شي 
لو انا مكانها ماطلع ولا اتحرك من البيت لما تطردينها
وش له تطردينها
مو بيتك ولا بيت زوجك
انتي ضيفه مثلك مثلها ومردك تتزوجي
لو امك طردتها يمكن لها الحق تروح وتطلع
لكن انتي مين عشان تسمع كلامك وتطلع من البيت 
ولا خايفه من اخوكي وتتفششين ببنت الناس
بكره تتزوجي ومثل ماانتي ظالمه مرة اخوكي تلاقيها ان شالله
لو لقيتو خير من الرجال قلتو منه 
لكن لو لقيتي شر قلتو من حرمته
عجبي

عيالنا مدري ايشفيهم يتزوجون ينهبلون انتي شكلك متلي احيان من القهر تحطين الحره فيها لانك تدري انها وراها عندنا وعندك خير..

حسبي الله عليهم الحريم اللي كدا ..
طنشوه مرده يجي ويدخل البيت انتي طردتي زوجته ما طردتيه واللي بيسمع كلامها خليه على وجهه مرده ياكلها منها ...



بالنسبه للاخوات اللي يقولون مو شرط تكون هيا اللي مغيرته والبلاء با اخوك ومن دا الهرج فرحان لااخوه وبتاني يوم يجي يهاجم امه عسى الله لا يرده اللي ما فيه خير لاامه وينزل دمعتها


فيه افعال وتصرفات تصير من الرجال ينعرف انها تصرف حرمه واللي وراها حرومه بعدين هذا اخوها كان عايش بنفس البيت يعني تعرف طبعه ..


وبالنسبه للهدايا المفروض حتى لو هو نساهم هي تذكره في امه وخواته ...



الله يصلح الحال ويبعد عننا وعنكم المشاكل...

احسن حل تسووه تطنشوه انتي وامك ولا كان الله خلقه ولا تعبروه احقروه ولو منكم تعزومون اخوانك وحريمهم لان الخبر اكيد بيوصلهم وساعتها بيقول امي مطنشتني ولا هي معبرتني واذا قابلتيها في اي يوم من الايام قولي لها الي في خاطرك وانك اعتبرتينا اعداء ونحن بنعاملك بلمثل لو صفيتي نيتك ودخلتي علينا بلحب والخير بتلقينا نفرشلك الارض ورد بس مثل ماتدين تدان واخيرا" الف مبروك على الخطوبه والله يتمم لك على خير وكوني مره سنعه وحبي واحترمي اهل زوجك ولا تسوين مثل مرة اخوكي الله يهديها لنفسها

شوفي اختي انتي طلبتي رأينا ولازم تكون روحك رياضية وتتقبلين اللي نقوله اللي سويتيه غلط غلط وياليت مايكون موجود حريم ضيوف عشان ماتكبر السالفة اكثر ويحس اخوك بالاهانة
انا صاحبة تجارب مع اهل الزوج الله يحللهم صدقيني ياما قلبوا علي والسبب ولدهم متغير عليهم!!طيب انا وش ذنبي!؟تخيلي احيانا تصير مشاكل وطلايب مع ولدهم وإذا زرتهم لين وجيهم متغيرة!وانا الله يرحم حالي مدري وش السالفة!؟
لاتقولين انا يمكن غير وزوجة اخوي فيها وفيها خذيها نصيحة اذا انتي بتشوفينها شيطانه خلالالاص بتصير فنظرك شيطانة
اخوك هو المسؤول وحده عن تصرفاته الله يهديه حتى لو كان لها علاقة ليش يطيعها!
بالنسبة للهدايا مهيب ماسكة عليه العصا هي تحب تهدي اهلها وهو مايهتم واغلب الرجال كذا ويمكن من مصروفها اللي مخصصه لها ويمكن من حافز يعني لاتهتمون وتبين رايي اذا قربت العشر الاواخر ارسلي لاخوك مسج دعاء مثلا يعني فرصة تلطفين الجو وتسلمين من دعاها اذا كانت مظلومة

وكلمة اخيرة ومهههمة اغلب الشباب اذا تزوج خلاص بيته وبس

تقبلوا مروري

بكره تتزوجي وتجربي وذوقي من نفس الكأس المر والحلو وتشوفي كم المسؤوليه صعبه والمعيشه غاليه وهل زوجك راح يقدر يسوي لأهله ما كان إيسويه قبل الزواج أم لا وهل راح يعجبك الحال إذا قصر عليك عشان ما يقصر على أهله وما إينقص عليهم شيء من إلي كان يسويه قبل الزواج أم لا و وراح تكوني مبسوطة إذا كان زوجك طاير فيك ويشتري رضى ومحبة أمك وأبوك وإخواتك ويتباهى بهم أم لا و تشوفي إحساسك كيف يكون إذا أهل زوجك خبواعليك إنهم مسويين عزومة غداء بينهم أو مجرد سفرة أو حاجه إشتروها بس مو زواج عشان مو طايقينك وخايفين تحسدينهم زيدي عليهم أكيد التصرفات إلي تحسسك إنه غير مرغوب فيك والإهانات والمصيبه لو طردوك أتمنى ما تنحطي في مثل هذه المواقف لأنه أقسملك بالله راح تنقهري قهر عمرك ما إنقهرتيه وتنكسر كل الأحلام و كل شيء جميل كنت تتمني تسويه لهم وناويه تنجزوه مع بعض وإلي يتكسر عمره ما يتصلح وإذا إترمميه عمره ما يرجع مثل أول صدقيني. يا رب لا تجعل مرة أخي مستقبلا تنحط في موقف مثل إلي كتبتيه و إجعلهن ما يطلعن من بيت أهلي إلا معززات مكرمات وما ينهنن أبدا أما إلي تسويه كل وحده فيهم معنا إنت حسيبها ورقيبها يارب سواء كان خير أو شر .
مبروك الخطوبه