موقفي وأنا صايمه لاتصيرون مثلي

الملتقى العام

السلام عليكم ورحمة الله وبركاتة
كيفكم ياحلوات
زوجي طلع معزووووووووم وأنا
طفشانة قلت بنزل لكم موقفي وأنا صايمة

قبل أمس كنت صايمة وفطرت المغرب ......... يعني بفطر العشاء
والحمد أكلت لين شبعت المهم حطيت فطور:arb: وحطيت له قهوة بعد العشاء هو موصايم
وقلت بتقهوى معك وحطيت القهوة والقروش
والفطور ,ان بس تقهويت واكلت شوي من القروش وقلت مابي فطور شبعانة شوي بتسحر
وأناماحب اتسحر غير قبل الاذان بشوي
ونمت 12والليل طويل كل اشوي اناظر الساعة 2,3,4
المهم يوم جات 4ونص مادق المنبة مايبي ينغص علي النومة
تخيلوا ماصحيت إلا5 وأنا بسرعة طيران للمطبخ على الاقل بشرب مويه أو أكل لقمة جيعانة
وماصبيت كأست الموية إلا لاذان يأذن
عاد أنا حامل واذا عطشت ياكافي
عاد رحت صليت وصحيت:arb:وسويت الفطور وصحيت عيالي لانهم يدرسون روضة الا:arb:يقولي بصوم قلت خلاص مايمدي اذن من اليوم حتى أنا ماتسحرت:icon33:
لان عنده سكر بس الحمدلله الحين طبيعي بس خفت يجيه هبوط ولاشي فقلت أحسن أفطر
وافطر وراح الدوام والعيال الروضة ونمت لين11 لان عيالي يجون من الروضة 11
الساعة 2ونص دق علي:arb: يبي قهوة ترى عادي القهوة عنده أهم من الغدا
يعني إذ سير عليكم حطو له قهوة.بس........... ما اتشرط
وصلحت القهوة وقلت بسوي له معها قطايف عاد يموت فيها......... المح يعني حطو له مع القهوة إذا جاكم
قلت الباقي بخليه لنا فالفطور وما جت 3الاخلصت القطايف والقهوة هو تقهوى وصلى ونام
وان صليت عجنت اللقيمات وقلت بسوي سندوشتات لان القطايف خالصة والسمنبوسه بعديعني عندي وقت
وقلت بصور السنوشتات بالخطوات وانزلها منتدى عالم حواء
واناظر الساعة قلت باقي ساعة على الاذان
واصور وعايشة جوي
أنا خلصت السندوشتات بس ماحشيتها قلت قبل الاذان بشوي عشان ماتبرد
جلست اقلي القطايف هي خالصة بس أحبها تكون حاره فما قليتها غير المغرب وخلصتها وسويت القهوه وقلت بقلي السمنبوسة
ومادريت الاالشغالة تدق الباب شغالة اهل زوجي قلت نعم
قالت توتا يقول اطلع
قالت بنزل فطور قلت بدري يبقى ساعه
تخيلوا



مادريت الا الاذان ياذن
يعني القهوة على النار والزيت بحط فية السنبوسة بس استناه يتحمى زين السندوشتات اللي جالسة اصور في خطواتها طول اليوم ماحشيتها
يعني الخطوو الاخيرة راحت علي ماصورتها الشكل النهائي
تصوير بدون فايده
اللقيمات ماصلحت منها شي
قلت للشغالة خذي شيرة صبيها على قطايف وانا صفيت القهوة
وقلت نزليها
وأنا حشيت السندوشتات أي كلام ولا زينتها ولاشي مع أني مقطعه خيار للتزيين بس بعدين عيالي اكلوه
ونزلت لقيت أهل زوجي مادين سفرة ماشاء الله
قلت أحسب باقي ساعة ع الاذان
قالو وين أصلا مافي عصر
بين العصر والمغرب ساعة وربع
عاد اليوم جالسة على الاب توب ولدي الصغير يقول روحي سوي الفطور لاتاخرين زي أمس......... يصرفني عشان بيلعب فالاب توب
وسلامتكم
أحس أني فضفضت
ترى لي ساعة اكتب أنا بطيئئئئئئئئئئئة جدا........... سلحفاة
وأنتم قوولو لي ايش صار لكم إذاعندكم شي:26:
15
5K

يلزم عليك تسجيل الدخول أولًا لكتابة تعليق.

تسجيل دخول

(وردة الزهور)
(وردة الزهور)
ههههههههههههه
والله انك توحفه
وموقف ولدك نكته
الله يسعدكم
أمولتهم
أمولتهم
الله يسعدك يا حبيبتي صيام مقبولا ان شاء الله ماشاء الله عليك ماقصرتي سويتي كل شي


اامممم انا صار لي موقف وهوو


قبل امس جا زوجي من الدوام وكان تعبان قال بنام ع الظهر صحيني

وقل اوكي رحت اسوي صينيه خضار غداا المهم وخلصتها باقي احمرها من فوق ويجي زوجي


قال شتسوين قلت اسوي الغدا قال لاا احنا صايمين

خخخخخخ والمشكله الصبح مسويتله ساندويتش بيض بالجبن ومسويتله كوب حليب بالزنجبيل والهيل اخذه معه العمل وافطر وعين من الله خير


وطلبله ع الساعه 9 كوووفي وجااي الظهر شبعان خخخخخخخخخخ

وانا اكلت حبه موزه بس


المهم قلت عادي نمسك الحين

قال اي عادي يجوز لان احنا بمينتين النيه نصوم وقلت له بس امس ماتسحرنا ولا بيتنا النيه من امس قال مو شرط احنا قبل اسبوع كنا نتكلم انا حنا ناوين الصيام وبس صمنا هذا اليوم حمرت الصينيه ع المغرب وسويت عليها شوربه وتمر وقهوه ومويه وسلااامتك
معقوله؟
معقوله؟
لا اله الا الله
(نوووشه)
(نوووشه)
الله يعينك صح ماعاد في عصر احس انا ظهر ووراه بسرعه مغرب مافي شي اسمه العصر خخخخ
ذكرتيني بمره في رمضااان امي عند خووالي وانا عند اهلي وابووي ينبه لي يقول عمانك بيفطرون عندنا بكره بعدددي بنتي السنعه اللي بعتمد عليهااا
وانا: افااا عليك بسسس ولا يهمك انتم في ايدي امينه هع
لااخفيكم ان قلبي يقرقع عاد ابووي كلش ولا عماني عنده
اذا جووه كنه جاينا وزراء ماكنهم اخوانه خخخخ
المهم وانا من الخووف مانمت واقوول عادي يابنت واصلي اهم شي تبيضين وجه ابووك والنووم لاحقتن عليه إن شاء الله
اليووم لازم اثبتلهم اني قدها وقدوود اما نكون ولا عسانا مانكون هع
ولو تشوفوني ازعجت امي بالاتصالات وكيف كذا ووشلون كذا وهذاك وين مكانه ولازم احط هالشي
طيب وش اسوي كمان؟
بالعربي قروشتهااااااا
اخر شي مديت سفره طوووووووول بعرررررررررض تهبل تفتح لنفس ويوم اذن المغرب جاء ابوي وقال




















وين القهووه يانوشه ماشوفهااا على السفره ...!!
وانا :o
ياويل قلبي نسيت اسويهاا
ياربي رباه كل شي سويته واللي اهم شي نسيته
عاد ابوي عطاني نظره بغيت اتوفى خخخخخخخخ
ويقووول مسويه خرابيط والقهوه ناسيتهاا:angry2:
اووم التحطيم اجل صارت خرابيط :(
وقلت بتموتون يابوي مثلا لو شربتوا عصير
القهوه نسيتها وبسويها ذحين
ولازالت تلك النظره تحدق فيني يمااااااامي خخخخخ
بعدين ضبطت لهم قهووتهم وشربوها بعد ماطاح قلبي
وبث
%قووويه بأخلاااقي%
وردة الزهور تسلمين ياعمري ع الرد
الله يسعدك ياحلوة