صــــــــــباح الخيرات ... قوة للجميع ان شاااء الله ..
بقولكم عن موقفي يااجماعة اللي تعجبت منه وادهـــــشني وبكاااني :06: من جد موقف اول مرة اصاادف مثله ...
هذا الله يسلمكم كانت من فترة امي منومة بالمستشفى وكنت مراافقة معاها المهم الغرفة الي حنا فيها كانت كلها سراير المرضى وكل بين سرير والثاني ستاير المهم كان موعد زيارة وبطبيعة الحال الزوار نسمع سواليفهم وكلامهم بحكم مابينا الا ستارة وكان ذاك اليوم الزيارة توها بادية وكان معانا بالغرفة عجوز مو كبيرة لكن عندها مشكلة ضغط وسكر وتنومت عشان يتابعون حالتها وكان المرافق معاها شغالة اندونيسية بس كانت مجيدة لكلامنا مرررة المهم دخل الغرفة رجال كبير يعني عمره بحدود الثلاثينات دخل على هالعجوز ومن يوم دخل الا اسمع العجوز تبكي وتقول تكفي يافلان أبغى اطلع معك ابغى اروح للبيت انا طيبة مافيني شي وتترجاه اناتقطع قلبي يوم سمعت صوتها وكلامها واهي تبكي بكاء يقطع القلب الا ويصرخ عليها ذاك الرجال صراخ والله ياابنات اني قعدت ارتعد من الخوف يقول لها ولا كلمة منتيب طالعة تراك ازعجتينا بهذلتينا اجلسي عندهم يعالجونك وتبكي تقول تكفى يافلان عطني الجوال بكلمه << طبعا انا ماادري من تقصد المهم يصرخ عليها ويقول مافيه جوال اسكتي فضحتينا ويصارخ بوجها والله ان الشغالة تدف الرجال تطلعه برا الغرفة واهي تقول خلاص يا بابا هذي مسكينة ماما المهم كمل صراخه والعجوز هذي تبكي ومنزلة راسها قام واخذ من الشغالة الجوال اللي معاها وقال خليها تنطق هنا ولا تخلينها تكلم >> انا اسمع صراخه واسمع بكائه وابكي تقطططع قلبي عليها المهم طلع الرجال من الغرفة وتقوم العجوز تبكي بصوت عالي وتتحسب عليه حسبي الله عليك ياافلان الله لايسامحك والله لها نصف ساعة تدعي وتصيح المهم انتهت الزيارة وفتحنا الستاير على بعض الا وانا امشي بالغرفة تناديني العجوز ويوم جيتها جلست تبكي وتقولي معك جوال عطيني والشغالة تاشر لي تقول لاتعطينها قلت معي بس مافيه رصيد خفت ان الرجال يجي ويسوي سالفة مرة ثانية << خوااافة :hahaha: جلست اسولف شوي معها واهديها واقول لها اهم يبغونك تتحسنين بعدين يطلعونك احسن من تطلعين وتتبهذلين في البيت ووو من هالكلام بس مااقتنعت ابد .........
المهم انا كنت ابغى اعرف منهو هالرجال ؟.؟؟ ويوم نامت جلست انا والشغالة وسالتها قلت من يكون ولدها ؟؟؟ قالت لا هذا ولد اخوها تصير هذي العجوز عمته وساكنه عندهم يني عند اخوها ومالها عيال وانها تبي تطلع ومعيين يطلعونها يبغونها تجلس في المستشفى تقول مافيه احد يزورها بس هذا ولد يجي يسوي مشكلة ويروح !!! حسبي الله على كل ظااااااااااالم والله اني كل مامريت وشفت وجهها اصيييييح شكلها يرررحم من جد :06: لها الدرجة انتزعت الرحمة من قلوووووووووووووووبهم ؟؟؟؟؟؟ يعني بجلس اصااارخ على هالعجوز والله شوي ويضربها بغض النظر عن كونها عمته تبقى عجوووز ضعيفة ..
والله يابنات عجزت صورتها تروح عن بالي طلعنا من المستشفى واهي لازالت مع الشغااالة ....
قد صاادفتكم موااقف كذا تستغربون من تصرفااااات الاشخااص المنزوعه من قلووبهم الرحمة :16:
الله لايقطـــــــعنا من رحمته ياااااااااااااااااااااااارب :06:
يا لطيف الله يستر علينا و لا يبلانا
الشر مو عليه على ابوه يلي مو داري عن اخته و على ام الولد يلي ما عرت تربي