موقف أثر فيني

بخبركم عن موقف صار لي وأثر فيني وأبغيكم انتوا بعد تشاركوني الموضوع وتكتبون المواقف اللي اثرت فيكم وبعدين تكتبون اللي استفدتوه من هذه المواقف:13:


كان عندنا يوم مفتوح في الجامعه يعني عاملين معرض عام للزوار ، هذاك اليوم
دخلت الكافتريا وشفت اربع بنات جالسات على طاولة وحدة أنا داخلة سلمت عليهم ، استغربت
ما ردوا السلام ، سلمت بصوت اعلى وبعد ما ردوا السلام ، عصبت وقلت في خاطري عافانا
الله انا داخلة على كفار على الاقل ردوا السلام صج متكبرات :(
جلست على طاولة بروحي في زاوية وأراقب البنات الاربع من بعيد ، وحدة منهم طلعت مبايلها
من الشنطة وقعدت تضحك الظاهر ياينها مسج حتى ورته لصديقاتها اللي معاها وجلسوا يضحكون كلهم :19:
تعرفون شو اكتشفت في البنات الاربع ، اكتشفت انهم من الصم والبكم وجايين زيارة عندنا
تعرفون اني ندمت من قلبي من كل قلبي على الكلمة اللي قلتها لهم لانهم معذورين ما سمعوني يوم سلمت عليهم :44:


العبرة اللي اخذتها من هذا الموقف اني ما احكم على الناس من مظاهرهم وما اتسرع في الحكم والحمد لله الحين احاول قدر المستطاع اني أتريث في كل شي في حياتي:32:


اتمنى موضوعي يعجبكم