موقف ابكاني في حديقة الحيوان في الطائف

هذا الموقف حصل لي شخصيا :(
ذهبنا لمدينة الطائف لقضاء عدة ايام ومن خلال تجولنا اخترنا " حديقة الحيوان "
دخلناها وجلسنا فيها 5 ساعات تقريبا
وقبيل مغادرتنا بساعه احضر لنا العشاء تقريبا الساعه 12م

وامي بجانبي قالت هذه البنت الصغيره رايحه جايه من هنا لها اكثر من ربع ساعه قلت لها اي لاحظت

كانت طفله عمرها لايتجاوز ال6 سنوات ولابسه لبس جيد وفي يدها كيس دونات من بيت الدونات

قمت ووصلت لها وقلت لها تعال هنا ....
طالعت فيا ,, وكملت دورتها تروح وتجي
ومو راضيه تقرب مني
وصلت اكلمها من بعيد
وهي شكلها متوتر بس
مالها صوت:44:
اليين حسستها بالامان وصارت واقفه وياي
واكلمها اقولها
ايش اسمك ياحلوه
طيب ايش اسم بابا
طيب ماما
طيب مين اشترى لك الدونات
طيب تعالي تعشي معانا

و
و
و
يمكن ربع ساعه وهي بلا صوت او رد

قلت يمكن بكما حاولت اتكلم معها بالاشاره اذا ماتسمع

ماعرفت لها جات وحده من اقاربي وجلست تحاول معانا
خلاص


اتفقنا نوديها للاداره
مارضيوا اهلنا لان الاداره بعيده و
لان العشا كان جاهز وحيبرد لان الجو باااااااااارد

راح احد اعضاء المجموعه للاداره وقال لهم لقينا بينت شكلها ضايعه وماتتكلم
جاء رجل امن قالها تعالي معاي صارت تبكي وماتبغاه يقرب منها حتى الرجال
اللي معانا ماكانت تبغى احد يتكلم او يمسكها

المهم تعبنا معاها حاولنا فيها مارضات انا تجلس او تتكلم او تروح للادراه
حتى الاداره تركوها عندنا وراحوا يقولوا البنت ماهي راضيه شنسوي ومافي مايكات وسماعات نعلن

تصدقون وقتها قلنا يمكن اهلها مايبونها لانها شكل انها معاقه ياربي الحين وش نسوي بها

المهم تعشينا وهي بدءت تبكي بكاها يخوف كانه بكاء شابه سبحان الله
وتقول ب ا ب ا


بعين مسكتها وحده من الشغالات وصارت تدورفيها الحديقه
وبعد تقريبا ربع ساعه جات فرحانه تقول لقيت ابوها واقف والبنت لما شافه قالت ب ا با

:42:
قالت له الشغال بنت انتا
قال ايه


انتهت القصه

اللي فعلا قاهرني
انو البنت قريب الساعه مختفيه عن اهلها ولاشفنا احد دور لها واحنا مكاننا جلوسنا واضح
هل فعلا لانها " متخلفه عقليا اهملوها " الله اعلم

وقت العشا كان صعب اننا ناكل ونحنا نسمع بكاها المخيف :44: