موقف اسري او اجتماعي هزك وصحاك من غفلتك و تأثرتي منه ادخلوا وشاركونا << معدل

السلام عليكم بنات كل واحده تذكر لنا موقف مثلا حصلها من اي شخص كان زوجها او غيره وصحاها وكان نقطه تغير بحياتها او موقف تأثرت منه وخلا دموعها غصب عنها تنزل
موقف صحاني ... حصلت مره مشكله بيني وبين زوجي المشكله هذه زي الي اعطتني كف بوجهي صحتني وخلت شخصيتي تتغير معاه وخليته هو الي يطلب رضاي ويلحق وراي بعدما قرات نصايح ××× وتركت دور الزوجه المضحيه الي تضغط ع نفسها من اجل راحته وصرت ادور رضاي وراحتي وادلع ىنفسي وما اقصر بحقوقه ونفع معاه هذا الاسلوب ولله الحمد ....
موت عمتي اخت ابوي صحاني لاني كنت معاها عنيده ما اسمع لنصايحها مثلا كانت تنصحني اني اتعلم اطبخ او اخبز وانا اقلها انا لسه صغيره وماتت فجاءه وهي كانت ببيتنا واسعفها ابوي للمستشفى وماتوقعت تموت وكنت ناويه ازورها وماتت قبلما ازورها وجابوها لبيتنا وهي مكفنه وكانت اول ميت اشوفه بحياتي وندمت على عنادي معاها ومن يومها غيرت طبعي وبطلت اجرح الناس فعلا الدنيا ماتستاهل نجرح احد او نزعل احد
موقف اثر فيني كنت معلمه زمان قبلما اتزوج وكنت احب مهنتي واحب الطلاب والطالبات بشكل كبير واهتم لامورهم الخاصه ولفت نظري طالب بصف اول شكله مو مرتب ولا نظيف وشنطته قديمه استغربت مدرسه اهليه ويكون فيها طالب زي كذا وشعره منكوش وماكان يحفظ السور الي كنت احفظهم حسيت مافي حد مهتم فيه كلمت مربيه فصله ايش سر هذا الولد قالت هذا من دار رعايه الايتام المدرسه راحت اخذت مجموعه من الدار ودرستهم معانا زعلت قلت عالاقل المدرسه كانت تحاول تدعمهم وتنظمهم انا اهتميت بالولد وصرت اشجعه واخلي الفصل يصفق له لو جاوب كويس وتغير الولد ومستواه ارتفع وتفاجاءت وانا اسمع له باختبار نصف السنه انه حافظ وجاب الدرجه الكامله وكلما يمشي يسلم عليا وادركت ان التشجيع والتعزيز له دور في حياه اي طالب ..يمكن صح هناك فروق فرديه بين الطلاب بس التشجعيع والتعزيز له دور في حياه طلابك واولادك ....
الموقف الثاني طالبه في الصف الرابع كانت جميله وكانت معايا بالباص كنت احسها حزينه وماتمشط شعرها كويس الين كنت اخليها تجلس جمبي واحاول اعرف سر حزنها وهدؤها وكانت كمان ادرسها فعرفت انها عند ابوها ومره ابوها ماتعاملها كويس وما تمشط لها ولا تذاكر لها ولا كانها موجوده بالبيت سرت اهتم فيها واقلها جيبي مشاطك معك وكنت امشط لها واشوف الفرح بعيونها وكنت اعملها ظفيره هنديه وتفرح والاختبارات طول الباص اذاكر لها اي ماده واشرح لها البنت تعلقت فيني حتى الطلاب كانو يحسبوا اني اقرب لها ولو حد ضربها يجوا يستدعوني يحسبوها تقرب لي والام اتصلت فيني تشكرني وتدعي لي هي وحيده امها كانت تروح عندها الخميس والجمعه والجمعه الليل كانت الام تمشط شعرها وهي ترجع بيت ابوها بالليل وتجي يوم السبت وهي مبسوطه تنام بتسريحه امها وتجي السبت تقول شوفي ماما سرحت شعري وذاكرت لي وايقنت ان فعلا الام مافي زيها واتزوجت وانا وتركت التدريس وبعد مرور خمس سنوات حاولت اوصلها ولقيت رقمها من معلمه وتفاجاءت الام اني لسه اذكر بنتها وهي صارت عندها منذ خمس سنوات الان البنت تختبر ثالث ثانوي وان شاء الله اذا رجعت ديرتي اشوفها ونتراسل بالواتس قالت لي انا مش حنسى جميلك وذكرتني باشياء انا نسيتها ....
اذا قدرتي تعملي معروف اعمليه ولا تنتظري شكر من احد ... ابني البكر بيدخل هذه السنه المدرسه واتمنى ان الله يسخر له مدرساته ويوفقه بحياته القادمه
اسعدونا بمواقفكم التي ناخذ منها العظه والعبره