موقف انساني خلاني ابكي

للامانة هذا الموقف مدري حسيت دموعي تنزل عليه كل ما اذكره
وترددت اكتبه هنا
صارله اسبوع وشوي وكان من ابن جيراننا عمره ١٨ وصراحة خلتني احترمه جدا رغم اخلاقه السيئة ومشاكله وتهوره
الزبدة ان اخوي يقول لنا انهم كانو واقفين بالشارع
ومر عليهم واحد من شكله في شي ب عقله ومضيع اهله كالعادة
يعني ماهو جديد عليهم
كل مرة يشرد من البيت وبعدها ابوه واخوانه يطلعون يرجعونه
المهم اخوي راح البقالة لي بحارتنا خمس دقايق ورجع يشوف ابن الجيران متغير
كان لابس جاكيت وشماغ وجزمة ومدفي نفسه على الاخروكان الجو بارد جدا
لما رجع له اخوي شافه لابس الثوب بس وكان توه داخل البيت جايب نعال اكرمكم الله ولابسه
قاله وين الجاكيت والشماغ
اشر على الشاب لي في شي بعقله طبعا الشاب الله يعافيه شارد من البيت لابس ثوب نوم بس وماشي بالشوارع كذا بهالبرد
قال ابن الجيران ل اخوي ب لهجة حزينة
ماتحملت اشوفه كذا صعب علي اشوفه كذا
يقول اخوي قسم بالله لبسه الجاكيت وشلح الجزمة وعطاه ياها ولف الشماغ الشتوي على راسه ورقبته ولدرجة جاب له كفوف شتوية من سيارته وحطهم بيديه
يمكن تقولون ابالغ بس هذا لي صار
مدري هذا الموقف خلاني اشعر ان الدنيا لسا بخير وان هذا الشاب مهما فعل من مشاكل وتهور الا انه يبقى فيه معدن الطيبة
صدق من قال
الرحمة لاتباع ولا تشترى بل مستقرة في اعماق القلوب