موقف بيني وبين صديقتي)) ارجوكم اعطوني ارائكم

ابي احد يحكم يوجهني هل انا غلطت او هي .. هل اتركها او اكلمها ... قصتي هذي ..
عندي صديقة مني وقريبه مني مرررررة .. بس صارت مواقف خلتني ارجع افكر وافكر وافكر في علاقتي فيها ..
كنا تمام حتى تطلقت انا ..بديت احس انها صارت تخاف مني على زوجها .. ودايم تتصل علي وتتشكى لي منه علشان ما احسدها احس كذا .. كل هذا بشكل غير مباشر بس صرت احس ..
انا مطنشه لان والله ما كانت همي .. بس لازلت احترم الصداقه الي بينا 4 سنين .. والخامسه الي هي سنه طلاقي .. المهم وقفت معاها وكنت معاها وهي كذلك بس لما حسيت انها تبتعد عني وقلت زيارتها لي وصارت تصرفني .. انصدمت .. بس سكتت ..
..طلبتني مررة مبلغ حدود 4 الالاف وعليها وعطيتها على حسب كلامها لي .. باقرب وقت ترجعها ..
مرت 6 شهور واحس سحبت علي بقووة ما ترسل الا اذا ارسلت .. بالفترة هذي شفتها مسافرة وماخذه جوال جديد واشوف وضعها تمام .. جاء بخاطري وببالي والله .. بعدها راسلتها قلت احتاج المبلغ .. وجلست 5 شهور تتعذر مني وتقول ماعندها ((عالرغم انها كانت موظفه )) ويالله رجعت لي 1000 ع رمضان .. وع نهاية رمضان مرسلة لي انها انفصلت من وظيفتها ولا عاد عندها المبلغ وكذا .وتقول زوجي ما يدري ع باله اني رجعت لك هالمبلغ .. فهمت من هالكلمه اني ما رح اطلبه وارجعها لك ..
وع العيد اشوفها بسناباتها عادي ومسافرة ((برا)) ومبسووووطه والله العظيم قهرتني ليه ما هي مهتمه ترجعها ..
وسحبت علي ولا تراسلني ولا شيء .. وصرت ما افتح سناباتها ولا شيء علشان تعرف اني زعلانه بس ما اهتمت ..
بعد ما رجعت قررت ارسل لها ..
وارسلت ..
اشوفك مو ناقصك شيء ومسافرة برا .. انا عتبانه عليك ولااني قادرة اسامحك كان فكرتي ترجعين فلوسي قبل تسافرين دام مو قاصرك شيء ياليت ترجعينها باقرب وقت .. و روحي مكان ما تبغين بس لا تقولين ماعندك ..
شوفو ردها بغرور وطولة لسان وانتو احكمو انا غلطت او هي الغلطانه ..
اعتبي علي الى يوم الدين .. وتبين تشكين علي بالمحاكم رجلي برجلك .. انا ماني يهودية ولا سراقه .. وايوا زوجي وداني دبي وتركيا وووو وفلوسك كلها 4 وعليها ما تستاهل العشرة الي بينا .. وبدت تقارن حالها بحالي واني انا احسن منها .. (وياحسرتي في ايش ) وتقول تبغين اطلب زوجي يعطيك .. انا الي ماخذتها منك مو هو .. وبالاخير قالت .. وقت ما تتوفر ارميها لك بوجهك وافتك منك ومن مهزلتك واهاناتك ووساخاتك والي في راسك سويه ..
وكلااام غريب ويقهرررر ..
رديت عليها انا ماغلطت عليك ولا بكلمه ولا اهنتك ولا شيء بس اشوفك مو قاصر عليك شيء وانتي كل مررة تصرفيني باعذارك ما حبيت حركتك .. واذا هي بنظرك قليله رجعيها طيب ..
وقلت لها تري انا مقدرة العشررة ولا اخطيت عليك بكلمه قلت رجعي حقي وبس لا اهنتك ولا سبيتك ولا شيء .. وختمت كلامي بحسبي الله ونعم الوكيل .. وبعدها قلت حسافه فيك الصداقه دام هذا اسلوبك ..
وانا لا اهنتك ولا ظلمتك ولا شيء كل الي طلبته حقي مو شيء من جيبك وخاصه اني اشوفك مو قاصر عليك شيء .. عيب عليك تقولين هالكلام ..
وبعدها خلاص .. انتهينا .. وحضرتني بالواتس واتصلت عليها ولا ردت .. ومرسلة لي قبل شوي ان يمكن ينزل لها ساند ع شهر 12 وترجعها .. وتقول مابسرق فلوسك ورح ارجعها لك ..
تمثل لي انها مظلومه وانا ظلمتها .. واهنتها وكذا ..
انتم يالي قريتو الكلام وش تحسووون .. هل انا اخطيت عليها .. والله العظيم اني تسلفت هالفلوس علشان اعطيها بس هي ماقدرت هالشيء ..
جلست افكر انا غلطت اعتذر منها او لا ..
هذي تستاهل العشرة .. هل انا غلطت معاها علشان ارجع اكلمها ونتفاااهم ونتصالح ..
او وحدة مثل هالاشكال ما عليها حسااافه .. ابي اراااائكم احس اني ضااايعه .. ودي اتركها وبنفس الوقت ما ودي اخسر صداقتها بس مواقفها زاااادت .. ما ادري .. دقيت عليها قلت يمكن بالكلام نقدر نوصل لنتيجه واحنا نتراسل ونرمي كلام ع بعض بس ما ردت .. قلت يمكن احسسسن ..
شورو علي الله يسعدكم يارب ..