موقف جدتي خلا الدنيا صغيرة بعيني-

موقف جدتي خلا الدنيا صغيرة بعيني-

موقف جدتي خلا الدنيا صغيرة بعيني
بسم الله الرحمن الرحيم اللهم صلي وبارك على أشرف الخلق سيدنا محمد خير البريه >>
اقولكم الموقف جدتي ام امي الله يحفظها كبيرة بالسن وصدرها فيه نقص بالاوكسجين وفي الايام الاخيرة كثرت دخلاتها للمستشفى الله يشفيها ويشفي كل مريض واليوم طلعت رحنا نسلم عليها عند خالتي وكنا جالسين ونسولف يعني عادي الوضع كان طبيعي وعائلي وفجأة لاحول ولاقوة الابالله والا وهي نايمة جلست تبكي وتغطي وجهها وكلنا خفنا عليها وعيالها كانوا حواليها وقامت تون ومو قادرة تتكلم وكان وجهها باين عليه التعب وكانت خايفة من الموت وخالتي كانت مرقدة عندها وتقول انها صايرة تنسى كثير وانها تخاف من اللي حواليها المرضى تقول هذولا بيذبحوني بس شكلها تشوف كوابيس او شي يخوفها لانها كانت نايمه وسبحاان الله الانسان بلحظة يتغير ويفقد عافيته واللي خلاني احس الدنيا صغيرة يوم عيالها حواليها واللي على يمينها يسمي ويقرأعليها والثاني يغطيها والي يوكلها يعني وقفت وقفة تأمل وقلت في نفسي سبحانك يارب لما كانوا صغار هي تهتم فيهم وتوكلهم وتنومهم والحين هي بحاجتهم وقتها حسيت ان الدنيا من اسمها دنيه وانها زواله والانسان ولا شي ومهما كبر محتاج لرب العالمين قبل حاجتة للناس ودعيت ربي وقتهاان الله يشفيها
قلت ياالله ودي ماأحقد ماأغير ماأحش ودي يكون قلبي صافي مليان بالطيبه والحب واللي يظلمني اسامحة واتغاضى
بس كلنا مانقدر اكيد راح نحاول وهذا المفروض انا نتعلم الصبر والحكمة والثقة بالله فوق كل شي
لاننا بشر ومستحيل مانخطئ لا نا ماحنا ملائكة بس لازم نعود نفسنا والله يوفقنا لما فيه الخير ان الله يردنا عن الشر وييسر لنا الخير مهما كانت الظروف
<أسال الله العظيم رب العرش الكريم ان يشفي جدتي وكل مريض يارب العالمين>
واخيرا اللي عندها موقف اثر فيها ياليت تكتبه
وشكرا لمتابعتكم >>>