ثلوجة انتظرك بشوق

ورد
ماشاء الله عليك
اسعدتني مشاركتك جاءت ثرية ومدهشة أظن أنني اطمع في المزيد بارك الله تعالى فيك

عصورة يارب يسلمك هذه هي الثقة الله يسعدك يارب ويفقك

الله يسلمك :)

أنا صح من السعودية لكن من الرياض :)

شموخي فعزتي وعايشة بين قمم الجبال الشامخة فذاتي :)

مع إني أحب أتعرف على البلدان وأقرا عنها وأدرس الأطلس وإذا سمعت عن بلد أركض ادور وين فيه بالخريطة لكن تخصصي علمي :) ..

الجغرافيا معلومة إجتماعية ممتعه، مثل مايوضحها ابن خلدون بمقدمته مثلا ..

أدري إني خرجت برا الموضوع، لكن أنا أحب أتصفح قسم المغتربات لأن هالشي يشبع ميولي هذي :)

والله يسخر للجميع

الحمد لله رب العالمين على نعمة الاسلام

و الله كل يوم من احط ها الحجاب على راسي و اطلع من البيت متوكله على ربي بين كل ها العالم الفاسخ .. احس بعزة الاسلام .. احس اني غير .. قويه .. المفروض على قولة بعض الناس اني لازم اخاف و انا لابسه الحجاب لانه ييب مشاكل .. بالعكس .. احس ان بركة الله وحمايته شاملتني الحمدلله دامني انفذ كلامه عن كامل اقتناع

و استانس اكثر و اكثر يوم ولدي -عمره 3 سنين- يقولي "go put your theyab mommy i wana open the garage" يسمي الحجاب ثياب .. يعني حبيبي يباني احط الحجاب قبل ما يفتح الكراج .. و الله اموت من الفرحة كل ما يقوللي جي .. مع انه يروح المدرسه و يشوف بلاويهم بس الحمدلله اساسه مسلم .. الاسلام دايما اقوى عن كل شي ثاني
الايمان التام بالله و التوكل عليه هو الي يمد الشخص بالقوه

وايد استانس لما حد ايي يسألني عن الاسلام و احاول اجاوب قد ما اقدر .. و الله ذكرتوني مدرسة ولدي كانت تبا معلومات عن الاشهر القمريه و ما وديتها حقها .. ان شاء الله بطبعلها المعلومات و بوديها باجر

على فكره اكتشفت ان المسلمين من الجنسيات الثانيه ، مثل الافقريقيين و الاسيويين لما يشوفون مسلم عربي خصوصا خليجي يقدرونه و يسووله سالفه عودة .. و الله ما كنت ادري ان نحن مهمين لهاي الدرجة

اتذكرت موقف

صديقتي من البوسنه .. انتو تعرفون كيف اسلام ها الناس .. بس كلام .. لكن هي ما شاء الله عليها .. الله هداها هي و زوجها ، انهم يتبعون الدين الاسلامي على اصوله .. يتبعون القرآن و السنه .. فهي تحاول تقنع اهلها ان يتركون عنهم البدع و يتبعون الدين الصحيح .. بس مش راضيين -الله يهديهم- عاد ابوها يقولها .. نحن مسلمين كفايه ليش تبين تسوين مثل العرب ..
قصده ان العرب مسلمين متشددين مافي داعي لها التشدد .. استغفر الله ما يفهم ‘ الله يهديه و كل المسلمين الضالين

يوم قالتلي ها الشي حسيت باحساس وايد حلو ، فخر على ثقة على فرحة على قوة على وعد لربي اني احاول ارضيه بأي شكل ان شاء الله .. صح هو ذممنا بس ما يدري انه كان يمدحنا

((اللهم يا مقلب القلوب ثبت قلبي على دينك))

جبل شامخ حياك معنا وان شاء الله نكون عند حسن ظنك وتستفيدين منا

السيدة كوكيز
كلامك ماتع جدا الله يسلمك ويثيبك ويخلي لك هالقمر يارب
ذكرتيني بواحدة أفريقية ليست عربية كانت عايشة بالسعودية تقول اذا سافرت لبلدها
ونصحت النساء بعدم زيارة القبور والذبح للصالحين وغيرها من البدع
تقول يضحكون علي مشفقين ويقولون وهابية !!!
حسبي الله ونعم الوكيل