موقف حبيت اشارككم فيه>>>>قديم

السلام عليكم

موقف حصل لي وحبيت بنات حواء يشاركوني فيه ... ما ادري ليه .. بس احسكم جزء مهم من حياتي واحب اقول لكم اللي يمر بخاطري

انا وزوجي وعيالي كنا مسافرين بالاجازه اللي فاتت .. اللي حصل اني وانا بالطياره شفت واحد كنت متزوجته قبل زوجي اللي هو ولد عمي
هالرجال جلست معه شهر واحد بس وانقطع النصيب وانفصلنا طبعا هذا الكلام من سنوااااااااااات
هو مع زوجته وعياله بالطياره معاه ماشاءالله اربع اطفال وانا معي زوجي وعيالي والغريب ان عياله جالسين جنب عيالي وقعدوا يسولفون مع بعض ويلونون بالالوان مع بعض وانسجموا كثير ... ومحد عرف بالموضوع الا انا لأني انا الوحيده اللي اعرفه وانا متغطيه ما يقدر يعرفني وزوجي ما شافه ابدا مع انه ولد عمي لانه كان يدرس بالخارج يوم تزوجت يعني ما يعرف شكله ابدا

جلست اتأمل عياله واقول بنفسي هذول كانوا بيصيرون عيالي خخخخخخخ...زوجته كانت كاشفه شوي لأن ما بجنبها رجال .. فضول طبعا مني قعدت اقزهاااااا ههههههههه الحمدلله انا احلى منها بس هي ابيض مني :angry2:خخخخخخخ حريم عاد تعرفون ما نخلي طبايعنا ..
سبحان الله شكله تغير وطلعت له صلعه هههههههه

ما ادري كيف حسيت .. شعور غريب .. حسيت الدنيا صغيييييييره وحسيت ان الدنيا كأنها حكايه او مسلسل وكل شي فيها مكتوب سبحان الله العظيم مكتوب لي ولد عمي ومكتوبه له هالحرمه ومكتوب ان عيالنا يلتقون على هالطياره سبحان الله العظيم جل جلاله

ووصلنا ونزلنا من الطياره وافترقنا وكلا راح بطريقه والله يخلي لي زوجي حبيبي وان شاء الله ما اعرف احد غيره
ومحد عرف السر .. الا انتم يا عالم حواء :)

وبس هذي الحكايه