موقف حرقني من ضرتي

السلام عليكم
لاعادها الله من ليلة الامس اااه رحت بيت اهل زوجي وتقابلت مع ضرتي لي هي حرمته الثانية جات على فجأة مع انهم مفهميني انها مارح تزورهم اليوم
بس مدري ليه حسيتها حبكة من اخت زوجي
ولله الحمد ان البيت كبير وقدرت اقعد بعيدة عنها وهي تحاول تستفز فيني كعادتها رايحة جاي مع اني اخر مرة شفتها قبل ٣ سنين
المهم فطرنا وقعدنا والكل التزم الحياد بيني وبينها يعني الكل التهى بنفسه سلفاتي واخوات زوجي
الين جات اخت زوجي مدري وش جا على بالها طلعت البوم صور للعائلة من زمان وقعدت ضرتي تتفرج عليه الين جات صورة ابني حبيبي يوم كان عمره ٦ شهور فقط
وكان يومها اية بالجمال سبحان الله
المهم انها هي جايبة ولد ل زوجي والحين عمره ٦ شهور بعد وسبحان الله يشبه ابني بعد يوم كان صغير
المهم نطت المخلوقة وتشوف ابنها وتشوف الصورة على بالها متفاجئة وتجي ل ابني وهي مبتسمة تقارن بالشبه
وبالاخر تقوله اووه تشبه اخوك كثير فديتك معناها انت بعد ولد بطني ياحبيبي وابني مبتسم لها وكررتها مرة ثانية تقوله انت ابني وبصوت عالي قدام الكل
اقسم بالله بعد هالكلمة حسيت نفسي خلاص بقوم بشقلب فيها واتحججت انه ابوي يبغاني ضروري وخدت ابني ومشيت ولا كنت هالليلة مارح اعديها على خير
وحماتي حست تقولي عشان كذا مشيتي وهي تحب ابنك كثير وماكان لازم تطلعين
قلت لها خلاص ماشي
هذي مو اول مرة تربط ابني فيها مدري ليه وتعامله معاملة ممتازة كل ماتشوفه لحد ماهو تعلق فيها بعد حتى تمر شهور مايشوفها بس باله معاها على طول وانا حاسة عليه
مدري عنها تحبه ولا تبغى تغيظني يعني فيه هالانسانة استغفر الله بس منها ومن اهل زوجي
اقسم بالله محروقة اعصابي من امس بسببها مستحيل يكون منها خير لا هي ولا اخواتها على قد ماعانيت منهم ومن استفزازهم لي