السلام عليكم...
الله يعينك اختي ايش صار ياريت تكمليلنا.

هلا حبيبتى

ليتك طردتيهااااا

كملىىىى

:17:

السلام عليكم
شالمصيبه هذي وشلون تحملتيها؟؟؟؟
تدرون احس انه السالفه نكته :17:
الله يخليك لاتطولين علينا نبي نعرف شصااااااااااااااااااار:24:

تقول أمل:

بعد زواج اخوي كنت متألمة بداخلي كيف يتزوج محده مثل هذى !!
لكن الله يهدية الا اصر عليها علشانها مدرسة وهو مايشتغل!
وكان زواجهم في العطلة..
قبل زواجها كنت احلف عليها انها ماتدفع شي معنا في البيت(من زود الكرم ..الله المستعان..نست ماكان)
حلفت عليها من الإيجار وتكاليف الزاد....الخ
بعد زواجها قالت:شوفي انا لازم اشاركك في الإيجار انا ادفع الفصل الدراسي الأول وانت ادفعي الفصل الدراسي الثاني... قلت مادامك مصرة طيب.
وكانت تكرر هذه المسألة كل بين فترة وفترة(مادري يمكن تحسفت على الإيجارتشاركني فيه)
بقى اسبوع على ايام العودة(فترة اختبارات الدور الثاني)
اتصل علي اخوي وقال:
وين زوجك؟
قلت:في العمل.... تبي اقوله شي؟
قال:لا.
بعدها..
اتصل زوجي علي زعلان؟؟
شفيك ؟
قال:اخوك ماهو صاحي.
قلت ويش صار؟
قااااااااااااااال: أخوك سألني متى موعد دفع الإيجار؟
قلت له:هذا مالي شغل فيه اختك مع زوجتك اعتقد انهم اتفقوا.
قال:ماعليك من كلام الحريم .. علمني كم الإيجار؟
قال زوجي له:مدري(زوجي استحى يقوله المبلغ وكان نيته ان يسدد عنهم لأنه فهم من اتصال أخوي انهم هونو ولا ودهم يدفعون)
رد عليه اخوي وقال:شلون ماتدري ولى ودك ادق مشوار من البيت اللي هناك واعرف من صاحب البيت كم الإيجار وادقها رجعة للصراف وارجع(كان الصراف بعيد عن مكان الغربه)
قال زوجي:ياولدي ماكان قصدي كذا..... قصدي ان هذا اتفاق بين الحريم ومالنا شغل..
رد اخوي:حريم!!تاخذ كلام الحريم لأنك حرمة وتتبعهم!
زوجي انهبل من رده وتهاوشو...
اللي زاد المشكلة: ان أمي تدري ان اخوي بيتصل وقالت لنا: انه قال عندها:حرام ندفع لهم(اي انا وزوجي)الإيجار ويمكن تنقل زوجتي لأني مكلم واحد يدور واسطة..

أنا اجنيت....... انهبلت..
اخوي يفكر بهذه الطريقة؟؟
وامي تدري انه ناوي على مشكلة وماقالتلي من قبل علشان ماخليه يكلم زوجي..
لا .. وزوجته لي ماتكلني الأمر يخصني ويخصها الرجال مالهم دخل!


بعد ماقالي زوجي باللي صار بينه وبين اخوي... اتصلت على أمي:وقلتلها:زوجة اخوي من الحين تدور على بيت ثاني؟
قالت امي ليش؟
قلت:يمى تسألين بعد اللي صار؟.... هذي فرقت بين زوجي واخوي وبيني وبين اخوي وغيرت رايها عن الإيجار..اصلا ماهمتني الفلوس ولا جبت خبرها وكنت حالفه عليها لكن هي أصرت وبعد كذا تتراجع ... يمى:انا عادي عندي بس المفروض تكلمني تقولي مو تشعل النار بين زوجي واخوي حرام عليها..
انا سكنتها معاي كنت أنا اللي اطبخ وانفخ ماقصرنا وياها تروح معنا في التمشيات في الأسواق تكلم بالتلفون(صفر)عمرها ماسألت عن الفاتوره وعمري ماسألتها انها تدفع..
قالت أمي طيب بقولها.
رحنا للدوام واسكنت هي عند وحدة من المعلمات..
وطبعا الناس هناك تسائلو ... ليش كانت ساكنه معك قبل الزواج ولما صارت مرة اخوك راحت عند الغرب؟؟؟ طبعا سكت..

بعد فترة (صاروا المعلمات يشتكون منها..والله يااخوات ماينقال استحي اقولة)
وللأسف امي مغترة فيها وتحبها كثير لأن مرة اخوي ماتقصر مع امي طبعا للمصلحتها..

المهم سببت لي مشاكل في المدرسة ومع المعلمات وكنت اتجنبها ماودي بالمشاكل..
كانت تتصل بأمي والظاهر توصل كلام عني موزين(الله ربي وربها)

لما قرب الرمضان اخذت اجازة شهر ورجعت.. في الطريق للديرة مريت على اختي في الرياض وارتحنا عندها شوي وقالتلي: ترى أمي زعلانة عليك كثيييييييييييييييييييييير
قلت :ليشششششششششششش؟
قالت:ان مرة اخوي قالت لها انها بغت تزورك ولا فتحتي لها الباب... وقامت تبكي وتقول انا احب أمل بس هي ماتحبني...الخ
قلت:والله حرام عليكم تصدقونها وتكذبوني؟

لما وصلنا اتصلت بامي على طول وكانت فعلا زعلانه قلت لها الحقيقة بس......

ماصدقتني..

قمت اصيح والله يأخوت ابكي مثل مايبكي الطفل الصغير
من القهر والظلم.. حتى أهلي معاها..

صبرت وسكت..

لكن علاقتي مع امي خربتها مرة اخوي..

تدرووووووووووووووون..

بعد رمضان لمارجعت ..بعدها بأيام مرضت مرض شديد(مغص كلوي حاد)اتصلت بزوجي وقلت لازم تجيب لي العلاج هنا مافيه.. وصار بالصدفة ان أمي جايه مع اخوي عندنا راح زوجي شرى العلاج وقال وصلوه لها تراها تعبانه بالمرة..

تدرون انهم جاو عند مرة اخوي(طبعا كانت مع المعلمات ولما كثرت مشاكلها معهم طلعت بيت بلحالها)

المهم وصلوا ولا مرو علي مع ان بيتي قريب منهم اتصلت بزوجي قلت هلي ماوصلو قال الا وصلو من الفجر ماشين..

لما طلعت: لقيت السيارة موقفة في بيتها ونايمين..وانا هنا اتوجع من الألم..

في اليوم الثاني جات امي ومعها العلاج..
تصدقون:ان زوجي اتصل بأمي وقالها بنتك تعبانه ليش نمتي وماوديتي العلاج؟
بسهولة ردت:نسيت!!!

يعني أمي خلاص فضلت مرة اخوي علي ..

وما زلت اعاني جفاوة أمي لي بسببها..

تصدقون ان مرة اخوي احملت: قلت ياربي انت العادل اعدل بيني وبينها(والله ماكنت احقد عليها بس ابي الحق يظهر)
بعد اسبوع:سقطت ولم تحمل حتى الأن.

انتهى العام الدراسي ورجعنا كنت ادعي انها تنقل وافتك من مشاكلها..

والله ثم والله اني نقلت وهي مانقلت مع انها اقدم مني...

يسر الله اموري نقلت وارتحت من همها وكذبها وتمثيلها المستمر مع امي..

لكن مازلت متألمة مجروحة اخوي مايكلمني انا اللي اكلمة ولا يزورني زي أول(حسبي الله ونعم الوكيل)
امي علاقتي معها حساسة ومتوترة

المهم انها خربت العايلة علي مدري وين اروح ماحد مصدق اني انظلمت عانيت من امراض والالام واوجاع مستمرة صرت احب الوحدة ماودي اخالط احد..

لكن الله عوضني بزوجي ..والله دايم يقولي:ياصبرنا على ذيك المرة لايكون هي ساحرتنا؟؟
بغت تفرق بيني وبينه.. لكن الحمدالله على ماجاء من الله..

هذا باختصار شديد قصة امل مع مأساة غربتها مع انها انقلت لكن بدت مأساة الأهل


الله يصبرها ويسخر اهلها لها...ياربي