موقف حصل لك أو كيف تتصرفين لو كنتي مكانها

السلام عليكم ورحمة الله وبركاته


هــــذا واحـــــد تــــــوه مــعرس وخلصت الزفة والأمور اللي با القصر .....


أخونا في الله شغل وركبوا السيارة .. ودعس للقصيم


يعني أهل العروسة في الرياض وهو ساكن في القصيم


والبنية تستحي ومقررررطه طوول الطريق ...والرجال ما غير يسولف ويهذر والبنية


ساكتة ... ما حولك أحد


الرجال يأس من البنت إنها تكلم ..وقال يا ولد ما وراه هذره أشغل المسجل وامسك


الخط....


في الوقت نفسه البنت كانت حشراااانة ومتوهقة إنها بس تتكلم عشان تقوله


أبي الحماااام الله يكرمكم


عاد هي طمررت على المرتبة اللي ورا عشان تنسدح ويخف عليه الوجع


الين يوصلون لمحطة


المهم الرجال ما وعى الا وهاذيك محطة ويصفط عندها


وينزل للبقالة يأخذ له كم كيس فصفص وكم علبة بيبسي للطريق


هو كان وده يأخذ له شريط يسليه بالطريق بسس خبركم


ما يصلح يشغل شريط والأفضل يخليها سواليف


البنت على نزلت زوجها إلا وتقز هاذيك الحمامات حقات الحريم


اللي عند المسجد اللي جنب البقالة


قالت لنفسها يا بنت يمديني اطمر وأخلص وأرجع قبل لا يرجع هو من البقالة


المهم المسكينة راحت وأخذت وقتها


أخينا في هالوقت قد رجع للسيارة وعلى باله مررته في المرتبة اللي ورى


وخبركم عباية سودا وآخر الليل ما انتبه إنه مهيب في السيارة


وهو شغل


ودعسسسسس


البنية المسكينة طلعت وهي مرتااااااحة


وتناظر يا بنت وين السيارة .......

وتتلفت م اتشوف غير الهنود حق المحطة

عااااااااااد تخيلوا الصدمة يوم عرفت إن زوجها دق سلف ومشى ...!!!

جالسه تتأمل المسكينة في نفسها

يمكن راح منا ولا منا وبيرجع


شوي ما وعت إلا ذاك الجميس المقبل يوم وقفوا عند البقالة اللي جنبها


وتقز الحريم اللي في الجميس .....


قالت زيييين عائله وتروح وترمي نفسها على الحرمة اللي قدام


وهي أم العيلة وتقولها خالتي أنا داخله على الله ثم عليك..وهذي قصتي


والعجوز تمسك رأسها وتقولها..
يا بنيتي أنت تعرفين سيارة زوجك ..؟؟


ويعبون بنزين ويدعسون وراااااه


نعود الآن لصاحب الفصفص


أخونا في الله مريح وماشي...

بعد ما لقوه على بعد نص ساعة


عاد تخيل عزيزي القارئ إنك على طريق القصيم وفجأة ورآك


جميس يكبس بالنور بشكل مخيف يبيك توقف وش ردة فعلك ..؟؟


أكيد الرجال دعس قال ذولا مهابيل بيضروني ومعي عروستي


........ويا فشيلة إذا أنطقينا................


والجميس وراه داعس يحاول إنه يوقفه

المهم الذهين اللي يسوق الجميس عرف وش يسوي ...

فقام يولع نور الجميس اللي داخل عشان يشوف إنها عايلة


وأخيرااااااا ..انتبه ووقف يبي يشوف وش عنده


ونزل معصصصصصصصصصصب. .....


عاد من اللي متوهق في هاالموقف.... راعي الجميس


يقول في نفسه : شلون أقوله إن مرته معنا ..؟؟


أيبي أجيبها با أسلووووب تدريجي عشان ما ينصدم .. خبركم في مثل هالمواقف


شبيقولون أهل العروسة


أخذت بنتنا وضيعتها ..والللللله إن تلزق فيك السالفة طول عمرك


والعالم يتمشون وما عندهم سالفة غيرك


المهم راعي الجميس سلم وقال : يا أخوي ما كأنك مضيع لك شي ......


قاله المعرس : لا والله ما ضيعت شي


قال : متأكد ..؟؟


قال المعرس : شلون


قال راعي الجميس : رح طل في سيارتك شف فيه شي ناقص لك


العريس قام يوسوس حتى المشكلة مرته ماجت على باله


المهم راح ودخل سيارته ، وقال : يا مره فيه شي طاح منا وحنا في المحطة


محد رد عليه


ويوم لون وجهه بدا يميل للكرت الأحمر ....وييييين راحت المرة ..؟؟




ورجع لراعي الجميس وقال : هات السالفة ..


قال : شف يا ولد ، مرتك لقيناها في المحطة أنا وأهلي وقالت لنا إنها نزلت


للحمام وأنت مشيت ولا دريت عنها ..!!!


عاااااد العريس كل أنواع النفضات نزلت عليه تلعثم ولا قدر يتكلم




المهم راعي الجميس راح وقال للعروسة : يلا طسي عند زوجك



شوفيه متصومع عليك


المهم العروسة ركبت مع زوجها السيارة وانطلق لسانها اللي كان مربوط


وقامت تهدر عليه...


وتقول أنا كنت مستحية أقولك إني أبي الحمام .. وأنت ما شاء الله عليك


ركبت السيارة وانطلقت .........


ههههههههههههههه<===ياشين التميلح .. توها تتميلح .. عاد انقلب الوضع
صار العريس هو اللي مبرطم طول الطريق


والعروسه هي اللي تبربر


منقووووووووووووووول