موقف حصل لي مع جارتنا.. وش رايكم فيه..

لي جارة جداري في جدارها حبيبة وطيبة لكن قاااطعة انا تتواصل معي بين فترة وفترة ومستحييييل تعزمني بس انا اناديها اذا احد جاني لكن مع جاراتي الثانيات قااطعة وبقوة اللي سوت عملية وتعبت والثانية كذلك ماكلفت على نفسها تكلمهم تلفون مع انها قد قابلتهم زمان وكانوا يرسلون لها اكل وهي بعد ترسل برمضان بس .. المهم تفهمين من هذي الجارة انها مو راعية زيارات ولا هي حريصة فعادي تقبلنا الوضع كل واحد حر..


هي تتصل علي بس انا زي اذكرت ودقت علي قبل اسبوعين وقالت كيفكم وكيف الجارات قلت بخير رحنا زرنا جارتنا الجديدة وبغيت اتصل عليك بس انشغلت وتوقعتك مابتروحين لأنها دايما تتعذر وقال ليه مادقيتي ومن هالكلام اناماخذة الموضوع ببساطة قلت والله اني تذكرتك وانا ستعجلة وماتوقعتك تجين قلت فرصة ثانية .. وجارتنا الثانية دقيت عليها لأنها دايما تقول اذا تجمعتو قولو لي فقلت لها.. قالت لا انا زعلت قلت لا انتي قلبك ابيض اعرفك ولا تغيرتي مع الزمن..قالتها بضحكة ..


بعدها بكم يوم ترسل واتس

انا زعلانة ليش تحطيني في هالموقف ومنهالكلام وانا مااشيل على احد (كيف ماتشيلين وانتي انهيتي المكالمة بضحك ورجعتي تقولين زعلانة)

والله يسامحك انا سامحتك والجار للجار كان ناديتوني.. شكرا عرفت قدري عندك شكرا على كل اللي سويتيه..

مارديت عليها الا بجملة
(العفو ان احسنت فمن الله وان أسأت فمنن فسي والشيطان)
ورجعت تكرر نفس الكلام ولا رديت..



بعدها باسبوع الا ترسل بكرة باجيك..قلت اعذريني بكرةطالعة...
قالت باجيك مرور لو وقت الصلاة.. مارديت لأني خلاص كلمتي وحدة... اتصلت ولا رديت كنت مشغولة ولا ابيها تجي بصراحة خفت تفتح الموضوع ولا صار وجه لوجه انا مااحب اتجادل مع اي بشر والموقف بسيط مايستاهل..

اليوم الثاني قلت العذرة على التأخير لكن ان شاء الله اجمعكم قريب..
وارسلت لها يا ام فلان الله يسعدك ماكان في داعي تقولين لجارتنا الجديدة اننا ماناديناك لأنها قابلتها بعد كم يوم من زيارتنا لها.. وكأني قاصدة اني مااناديك وانا اعتذرت لك وقتها ..

ردت علي انا كنت باجيك عشان نتناقش (حمد الله اني صرفتها ) وكنت صريجة معاها قلت في ناس كانوا اولى منك بالزيارة ولا زرتيهم وهذيك جديدة لاتعرفك ولا بتشره عليك...
وزعلت مرررررررة وكلام كثيييير وتفسر الاشياء على كيغها .. قلت لها كلام قوي صراحة بس لازم افهمها انها غلطت مو تلقي اللوم علي انا..
قلت يا اختي كان بإمكانك تلتمسين لي العذرمنالبداية ولا ترسلين لي رسايلك لكنك عالجتي خطأ غير مقصود بخطأ اكبر وهو كلامك عند جارتنا..


كلام طويل كتبته وتفسر كلامي على كيفها ..
ابغى رأيكمهل انا فعلا استاهل انها تجرحني برسايلها الأولى وأنا اعتذرت ووضحت الموقف وقلت لها لو اني متعمدة مااناديك كان ماعلمتك اننا اجتمعنا من الاصل..