معلمه..اعرفها..كانت..ماتعطي..الاكفوف..بقوه.ز..ودعن..عليها..البنات.ماتت..بعز..شبابها.وعندها.اطفال

وهي..ميته..وربي..اعرف..وحده..تدعي..عليها..وهي..بقبرها؟؟

انا..بصراحه..كانت..عندي..ابله..الرياضيات..نفسيه..لدرجه..احل..الواجب..وصح..وتوقفني
حسبي..الله..ونعم..الوكيل..المدرسه..ذي..صحباتي..وربي..للحين..يدعوون..عليها..دعا..يشلع..القلب
واغلب..النفسيات..مدرسات..الرياضيات..بصراحه..شكلهن؟؟اكلن..شلوت.وكفوف....انجلدن..وتكفخن..وهن..طالبات

يحطن..الحره..بالبنات..ويردن..تاريخهم..المخزي..من.التلطيش..من..ابلاتهم


بصراحه.حنا..بعض..ابلاتنا..كانوا..عسل..والبعض..زفت.الزفت..الله؟.يسامحهم
ويعفو..عني..ويسامحني..مثلما..سامحتهم..يارب

انسوا الماضي
وأتذكروا إن المواقف هذه تقويكم ما تكسركم

لو بعد لك قد ايش انضربت وانا صغيرة
درست وعمري ماكملت الست كنت ضئيييله وقصيرة ووزني عشرين كيلو هههههههه
والمعلمه ماكانت ترحمني من جنسيه عربيه الله يغفر لها ويرحمها
تضربني ضرب وتوقفني على السبورة ومااعرف لهجتها زين + الخوف +اني بكايه
وياما جيت للبيت ويديني حمررررا من التسطير وطلعني برا الصف مدري ليش
اصلا شنطتي ماكنت اقدر اشيلها والباص مااعرف انزل منه الا على مراحل هههههههه لاني جدا صغيرة
وليومك هذا ماانسى فرحتي لما حطولي شريطة بيضا بدبوس واظنها ترضيه هههههههههههههه
برضو معلمه عربيه الله يسعدها وين ماكانت
وكانت تحكي لنا قصص الشاطر حسن ههههههه والسندريلا يسعد روح ابلا سوزان وكانت تحبني وهي تحكي تطلع فيني
وماانسى لماتكلمني وهي تبتسم لي داااوي جروح ابلا نعمه كلها هههههههههه

وماكنت اعرف اكتب ولاامسك الطبشور وكنت اقل من مستوى السبوره وتعرفين الاطفال يشوفون كل شي حواليهم كبير
كانوا المعلمات يعلمونا الحرف ودايركت كلمه او احيانا ثلاث كلمات لازم نجي بكرة ونكتبها على السبورة
وانا من خوفي احضن شنطتي او احضن نفسي او اتخبى ورى البنت اللي جنبي
كنت احزن وانرحم حتى العصير مااعرف افتحه

ولليوم ماانسى الجمله اللي انضربت عشانها ماعرفت اكتبها
ثوبي من قطن وفراشي من صوف
بالله اول ابتدائي يملونها جمله
كانت يومياتنا خوف وترقب و ألم
بس ثاني ابتدائي اتشطرت وصرت الخامسة على الصف وصرت قويه لآن معلمة الفصل دعمت نفسيتي اصلا صاحبت اختها هههههههههه صرت اعرف من اين تؤكل الكتف
شكرا لاابلا زينب وصديقتي ندى خخخخخخخاصلا ماكنت اترك فرصه لااحد يصاحبها

الله يغفرلهن يارب ويجعل ماشفنا اجر ومثوبة
الحمدلله اولادنا مايعانون وهذا اهم شي

دامها في قبرها خلاص سامحوها وادعولها بالمغفرة
إذا كان الله غفور ورحيم يتجاوز من عصاه فمن نكون نحن البشر حتى لا نسامح ..


أذكر كانت عندي معلمة في ثالثة ثانوي كانت تظلمني ظلم لدرجة جميع فصول ثوالث يعرفون قصة ظلمها معي..
تهزأني تمسح بي الأرض قدام البنات.. وأنا والله سااااااااكتة ما كنت أرد عليها.. مهو خوف مني.. لا .. بل آخذ تهزيئاتها ببرود وبنظرة احترامية وأقابل معاملتها السيئة باحترام وأدب ..

وسبب معاملتها الظالمة لأنها كانت ماتحب الطالبة الفطنة الواثقة من نفسها فكانت تحاااول بشتى الطرق ترسبني في موادها أو تستفزني بأسلوبها.. لكن كنت يا جبل مايهزك ريح.. ومن داخلي احترررق وادعي عليها.

والسبب الرئيسي في معاملتها الظالمة لأني ماني من قبيلتها..
ايه والله لأنها بدوية وأنا حضرية فكانت تكره الحضر وكانت تسب عائلتي ولقبي ونسبي قدام البنات مع إن نسبي يشرف بها ويعز بها ويتمونها الأمة الاسلامية بأسرها.
وكانت تنقهههر مني وشلون حضرية وهذا نسبي سادة واشراف .. أعوذ بالله من الحقد
عندها التفرقة العنصرية بشكل حقير
وكانت تسويها مع غيري
تكره الحضرين، وأيضاً الأجانب من جنسيات اخرى عاد هؤلاء كانت تحقرهم حقارة عينك عين تقولهم بكبرياء يكفي إنك جالسة على كراسينا وتدرسين >> البنت الضعيفة الدراسة )..

كنت اسمع عنها وعن قساوتها وظلمها من قبل لا تدرسني يعني من أول دخولي لمرحلة ثانوية اسمع عنها..

عموما كنت اكررررها وأدعي عليها طول السنة اللي درستني فيها
سببتلي حالة نفسية لدرجة كنت اغيب عن المدرسة حتى أحسن من نفسيتي
كنت ادعي عليها يارب تشوفها في بنتها بالضبببببط زيما عاملتني بظلم واستحقار وغيييييرة

حاولت كثيييير ترسبني في موادها لكن ما قدرت
وتتهمني دااائما إني ما أشارك في الفصل وتقول للبنات اشهدوا يابنات إن فلانة ما تشارك
وانا والله يدي يتكسر وأنا رافعة اصباعي عشان تقومني لكنها تطنننش تحاول ماتشوف جهتي عشان تأخذها حجة إني ماشاركت

اشتكيت عنها المديرة على تعاملها.. ألتمست فيني الصدق .. وخاصمتها المديرة الله يرحمها ويغفرلها..
وزاد كرهها وحقدها عليّ
زاد محاولتها في ترسيبي في موادها ..لكن مارسبت ولا راح كانت تقدر.

والحين لي 15 سنة متخرجة من الثانوية، والله إلى الآن كلما أتذكرها تجيني حزة في نفسي واتحسب عليها، مع إني اقسم بالله معروفة إني أنسى وما أشيل بقلبي شي، إلا ذي!!
فتخيلون كم حجم الجرح اللي جرحتني وحجم الظلم اللي ظلمتني فيها لدرجة كلما اتذكرها اتحسب عليها ولا يجيني نفس أسامحها

ومــــــــع هــــــــذا
إذا سمعت انها ماتت راح اسامحها فالانسان محتاج إلى حسنات في قبره

وبالمناسبة..!
كانت لي معلمة قبلها بسنة يعني ثاني ث. وتدرّس نفس المواد ونفسسس قبيلتها ولقبها
والله كانت تحبني وتعزني وتعاملني بالطيب والاحترام غييييييييييرعن البنات
وأنا كنت أبادلها نفس الشعور
وحتى لما انتقلت لسنة جديدة كنا نشوف بعض ابتسم لها وتبسم لي.. الله يسعدها
بس ماكنت أجي اشتكي لها عن هذه اللي حسبي الله عليها
وعلى نهاية السنة وبالتحديد آخر يوم الاختبارات حبيت أسلم عليها ( الطيبة) وسلمت عليها
وقلتلها عن مواقفي في السنة هذه ومن ضمنها موقف هذه المعلمة الظالمة
فاندهشت وقالت لي: طيب وليش ماكنتِ تجيي عندي وتشتكي لي ؟
شكلها كانت يمكن حتأخذ حقي منها لأن مكاتبهم في غرفة وحدة
فعلا كانت جداً جداً تحبني وتعزني وتحترمني
وعلى فكرة هي اللي حسستني باحترامها لي ومحبتها لي.. انا كنت حالي حال نفسي مهتمة بواجباتي ومشاركاتي، لكن من تعاملها الطيب المحب معي والغيرعن البنات خلتني ألتفت انتباهي لها مما زاد من حماسي في التوفق

شايفين الفرق بين هذه وذيك مع إنها نفس القبيلة ونفس اللقب؟
فرق بين السماء والأرض

الشاهد من قصتي بين المعلمتين إن مهو شرط القبيلة الفلانية تكون ظالمة وقليلن الأدب والذوق والأحترام
بل فيهم الطيب الصالح الرحيم الحنون الحبيب
فكل شعب فيهم الصالح وفيهم الطالح وفيهم السيء وفيهم الطيب

تحياتي لك يا لؤلؤ الجمان والله يكثر من امثالك  كانوا ءبناتي يشتكون من بعض المدرسات  وظلمهن وما كتت اصدق اقول مراهقات بس هذا الموضوع فتحت عيوني  الله يهدي الجميع