موقف حصل لي وانا بالمستشفى

السلام عليكم ... قبل كم يوم كان عندي موعد بالمستشفى رحت ولمن خلصت جلست بغرفه انتظار النسا لحد مايدفع زوجي الفاتوره شوي دخلت حرمه لابسه عبايه ونقاب كانها سعووووديه جلست جنبي وقالت ممكن اكلمك قلت تفضلي بدات تدعي لي وتدعي لعيالي وطولت استغربت قالت انا عندي 4 اطفال واخوهم الكبير هوه الي قايم فينا وانا xxxxxxوولدي الكبير عنده نفسيه وهو الي متكلين عليه بعد الله رحمتها وحبيت اساعدها فتشت ببوكي ماحصلت شي قالت انا ابي اشتري دوا له قلت اوك تعالي معي الصيدليه باخذ دواي واشتري لك فرحت وباست راسي وجلست تدعي لعيالي ناداني زوجي وخرجت ولحقتني وحكيت لزوجي القصه وناظرني بنظره وقال هذولي نصابين قلت ماعليه انا بدفع من عندي ونروح الصيدليه قلت اطلبي دواك وطلبه قلت بكم قال 600 انا عبالي 100 وان كثر 200 وفلوسي على قدي حافز ماغيره قلت ماقدر ادفع لك هالمبلغ وتصييييح وتحلف انها تبيه قلت والله ناقدر بس بعطيك كاش اذا تبين قالت اي شي يجي منك واركب السياره ويجين تهزي من زوجي ويفتح لي سبق على جواله ان هذي طريقه جديده في الشحاثه ياخذوا الدوا بهذاك المبلغ ويرجعوا يبيعوه ويستفيدوا من فلوسه انا كنت ابي اساعدها بس بالي اقدر عليه قال زوجي اذاتبين ابوديك جمعيات خيريه الحين نتصدق وبسس هذي سالفتي حبيت انقلها لكم