موقف خلانى اطلع عن طوري

بسم الله الرحمن الرحيم

هالموقف صار لي وحبيت انى اقوله يمكن حد يستفيد منه

تخيلوا كنت في مجمع تجاري في محل كبير تقريبا اكثريته ملابس خاصة بالنساء يعنى ثياب نوم وغيره ,,,

وطبعا عادى نشوف رياييل ويا حريمهم

المهم شفتلكم عايلة مكونه من الزوج والزوجه وطفلين صغار والخدامه (سبب الكارثه)
الزوجه مسكينه كانت مشغوله تختارلها كم شغله وتاخذ راي زوجها وهو يقولها حلو وزين من دون ما يطالع شو قاعده تشتري,,

وشوى اشوفه مسك قميص نوم ويأشر للخدامه وهى هزت رأسها
وراح حاسب واشتراه وحطه مع باقي الاكياس وزوجته مشغوله وما انتبهت لان الحركة كانت سريعه ولان هى عبالها ان الشغاله بتنتبه عاليهال مو عينها علي ابو اليهال :(

والله انقهرت وحسيت شياطين الدنيا كلها تتنطط جدامى
والله ما سكتت رحت وقلت للحرمة اختى صار كذا كذا واذا مو مصدقه فتشي فالاكياس.

زوجها صار ويهه مثل السمسه المحروقه
انا بصراحه حسيت بتأنيب الضمير بس بعد كيف يخون ام عياله مع خدامتها صعبه .

شرايكم؟؟ ولو كنتوا مكانى كيف راح تتصرفون ؟؟