كيفكم واخباار عيالكم ..!؟
هذا الموضوع فتحته عشان المواقف اللي دايم تصير بالمحلات
ومافي وحده ماصار معها موقف مضحك
وانا موقفي من اسبوع اخر شئ صار لي
هذا الله يسلمكم نزلنا السوق انا وزوجي ودخلنا محل اسمه اخر فرصة والماركة اللي تنباع فيه تبع رد تاغ
اهم شئ اخذت علب بهارات وحاسبنا وحنا طالعين عند الباب رن جرس الانذار اللي حاطينه
حق اذا احد سرق شئ او طلع بدوون مايفكوون القطعة اللي تكون بالملابس وكذا
وحنا طالعين رن الجرس معناها حنا سارقين شئ
وقفنا مستغربين والسيكوتري وقفنا وشاف حنا وش ماخذين ما اخذنا غير علب بهارات
وخلانا نمشي قال يمكن بالغلط خخخ
اهم شئ طلعت انا وفكيتها ضحك قال لي زوجي وش فيك قلت له انا لابسة البنطلوون اللي انت جايبه لي هدية والمحل مافكوا القطعة
خخخخ
زوجي جايب لي هدية ملابس ومن بينهم هالبنطلون والقطعة اللي تنفك بجهاز بالمحلات مافكووها له
ههه ومن اروح دايم تصير ولا عرفت اشيلها خخخ
اقوله لايكون سارقها وجايبها لي
وصارت لي كذا مرة بسيتي ماكس
وبعد ماطلعنا من المحل رحنا سيتي ماكس نبدل اغراض وحنا طالعين رن الجهاز وكملنا مشي ماطالعنا ورانا عشان لايوقفونا
وبس
وانتوا وش مواقفكم اللي تصير بالمحلات
موضوع للفرفشة