موقف زوجك من تأخر حملك؟؟

أم وجن999 • 18 سنة

### حنين### :

انا ملاحظة ان زوجي صاااير عصبي جدااا وشاارد ومتغير عن زمان :( :(

انا ملاحظة ان زوجي صاااير عصبي جدااا وشاارد ومتغير عن زمان :( :(

انا لي 3سنوات متزوجه وداخله الرابعه حملت مره ونزل في اخر الرابع زوجي عادي يحاول يهديني بس انا اليوم اللي تنزل فيه الدوره اسوي مناحه في البيت وهو يجلس يهدي فيه اتمنى من الله يحقق امنيتي وامنيه كل محرومه ويرزقنا بالحمل السليم قبل دخول شهر رمضان

بنت القصيم3 • 18 سنة

أختي الفجر الأخير هلا فيك ومشكوره على الرد..
أنا مثلك مافيه سبب لامني ولا منه.. الله يخليلك زوجك ويسخره لك ويرزقكم بالذريه الصالحه:26: ..

أختي حنين مشكوره حبيبتي على الرد...
لاتظنين في زوجك يمكن عنده مشاكل في الدوام أومع أهله وهذا اللي يخليه شارد..
الله يخليه لك ويسخره ويرزقكم بالذريه الصالحه..

حبيبتي أم وجن مشكوره على الرد..
ليش أنتي غاثه نفسك ؟؟ تراك بطريقتك هذي بتطفشين زوجك منك ويمل من هالوضع..
وبعدين ممكن تصير عنده نوايا ثانيه ماكان ناوي عليها بس مع هالمناحه كل شهر بيمل..
حاولي حبيبتي تخلين الوضع عادي واللي كاتبه الله لك بيجيك بدون صياح ولا شي..
وكثري من الدعاء.. والله يخليلك زوجك ويرزقكم بالذريه الصالحه..

يالله وينكم يابنات مافيه ولا وحده قالت أن زوجها بيتزوج عليها وش دعوى:30: <<< قليلة خاتمه..
تراي أمزح لاتزعلون علي :42: .. وتراي منكم يعني متأخر حملي ثلاث سنين:( ..
الله يرزقني ويرزقكم أجمعين بالذريه الصالحه..

مشاعر أمومة • 18 سنة

بنت القصيم3 :

كان على بالي مشكوره حبيبتي على الرد.. الله يسخرلك زوجك ويرزقكم بأطفال يملون عليكم البيت.. أختي الجود الله يهدي زوجك ويسخره لك ويرزقني ويرزقك بأخوان وأخوات لعيالنا.. أختي صوت الهدوء الله يهدي زوجك.. والله النفسيه تعبانه بدون تعليقات وتلميحات.. لكن مالك حبيبتي غير الدعاء والصبر. الله يرزقك بالذريه الصالحه.. هلا والله بحنتوشه الله يستجيب مني ومنك.. زوجة فيصل مشكوره حبيبتي على المرور.. والله يشفي زوجك ويرزقكم بالذريه الصالحه.. أختي الحلم البعيد والله أن كلامك يضيق الصدر.. حاولي حبيبتي تنسينه شوي وأهتمي بنفسك وأهتمي فيه بشكل كبير علشان يلهى شوي .. وجددي بحياتك وغيري.. الله يعينك ويسخره لك ويرزقكم بالذريه الصالحه..

كان على بالي مشكوره حبيبتي على الرد.. الله يسخرلك زوجك ويرزقكم بأطفال يملون عليكم...

والله اني مومقصرة مهتمة بنفسي ومهتمة فية واحاول قدر الامكان ما اضايقة بس ماكو فايدة اليأس راكب راسة .. ياليت بس يتكلم او يبتسم في وجهي بس والله اني تعبانة مررررة
كيف اجدد بحياتي اذا هو موراضي يتقبل اي شئ
اذا عندكم افكار قولولي ( لاتقولن شموع وطلعات وحفلات احس انها للمراهقات مو لاشخاص عندهم هموم)

monsaf • 18 سنة

الحين عاد جا دوري

وسعو اشوي عطوني مكان

احم احم <<<<< الحلوه وصلت

هههههههههههههههههههههههه

شرايكم اني انا اترجا زوجي رجاء عشان يتزوج
وخاصه اول امس وامس واليوم
ترجيته بس يتزوج
وكلمت امه واخواته قلت لهم دورو له حرمه وهو عصب علي
وامي دقت عليه من العراق قالت له اسمع ياابني الحرمه علي والزواج علي بس انت قول اي موافق
وخالي قبل فتره كلمه قاله بس قول اي انا اجيب لك الحرمه لبيتك
واخوي نفس الشي

بس المشكله هو ما يرضى ولا اهله يرضون بس اليوم حسيت من كلام بنت اخته ان اهله موافقين

بس بقى هو الله يهديه يوافق ويتزوج
وانا لي الله سبحانه
لان بصارحه انا مليت العلاج ونفسيتي اتعبت من هل موال الي بعد كم يوم ادش السنه السابعه

ما ادري شسوي والله
خايفه انه ما يتزوج وانا اشيل ذنبه مع ذنبي وقهري
وخايفه انه يتزوج وانا ما اقدر اعيش مع رجال يشارك حرمه غيري فراشه

خايفه اطلب منه الطلاق عشان اجبره على الزواج وبنفس الوقت ما اقدر اعيش بدونه والله لو بعد عني ليله احس روحي بتطلع والله والله والله اني اموت بالتراب الي يمشي عليه
وما احس رب العالمين خلق رجال غيره بنظري

بس الظروف قاعد تجبرني على شي ثاني
خايفه اهدم بيتي بيدي
وبنفس الوقت ابيه يرتاح
ابيه يصير اب
ابي من يملي عليه حياته

وانا لي الكريم الما تنام عينه
وبيت اهلي مفتوح لي

مدري شسوي
خايفه اضغط عليه اكثر ويعصب
وبنفس الوقت ابيه يتزوج واقول يمكن اقدر اعيش معاه وانا اربي عياله بس لما اتخيله مع حرمه غيري اقول قبل لا يملج عليها يطلقني

وللحين عايشه بدائره مالها نهايه مدري من الصح ومدري من الغلط

نصحوني يابنات الخبره

فازه طويله • 18 سنة

الحمد الله زوجي متفهم الله يحفظه لي وهوالي مهون علي ومصبرني بكلامه ويقول هذا حاجه بيد ربي وما في يدنا شي انسويه غير الدعاءالله الرزاق الكريم