لا انا معلمة الله يسامحها والله كل ماذكر الابتدائي اتذكرها على طول
حليت الواجب وكان باقي فقرة ماحليتها ودخلت الاستاذه وانا وقفت بعدين قالت ماحليتي والله عطتني كف عمري ماخذت كف مثله والله اتذكر رجعت البيت وخدي كان احمر ومنتفخ وجلست ابكي
فاللي تقرا ردي وهي معلمة تخاف الله في البنات
الحمدالله الان معلماتي من افضل مايكونون الله يسعدهم مثل ماسعدوني

على كثر المواقف اللي تفقع القلب اللي صارت لي  بس كلها تهون كنت العب انا وأختي وخالتي ونرقص وأحنا في اولى ابتدائي  ومتونسين الا ويجي  خبر أبوي صار له حادث ودخل في غيبوبه والله أتذكر كل شي صار هذيك اللحظة وشو كنت لابسه ووين  جالسه وكيف رميت نفسي وانا ابكي هذا الموقف لين ذحين اتًذكره مع انه قرب له 18 سنه بس كانه اليوم صار  
فيني الصيححححه كل مافتكره وتجيني غصة عساكم ماتنفجعون في غالي يارب 

لا حول ولا قوة الا بالله يارب يقر عينا بالجنه نعيش فيها من غير ذكريات سيئة قطعتو قلبي

ياكثر المواقف اللي سببت لي غصه والم 💔
بس بذكر موقف حصلي وانا عمري 12 سنه كنا عند جداني واخوالي متجمعين وكنا بالحوش انا وخواتي نسولف وننكت وكل وحده تقول نكته المهم يوم جا دوري بقول نكته جات قاطعتني اختي بتقولها وقامت جدتي ووحده من خالاتي قالوا ايوه خليها تقولها حسييت ان وجههي طاح ومايبون يسمعونها مني صراحه تحطمت وحقدت عليهم ماانساها لهم للحين

انا موقفي مررره يبكي ومستحيل انساه ....
..
,,
لما كان عمري 7 سنوات جيت من المدرسة الظهر و قالت لي امي اذا جاء ابوك قولي له اليوم اخذنا في المدرسة ان الشيطان ( جدي مبارك ) قلت لامي مين هذا ؟ قالت قولي كذا وبس ..
..
وأول ماجاء ابوي كنت طايره من الفرح و قلت له يا بابا اليوم اخذنا في المدرسة ان الشيطان جدي مبارك ..
ابوي طارت عيونه قال ايش واعيد الكلام مره ثانيه ..
..
مسكني بقوة ودخلني غرفتي وضربني بمعلاق الملابس حديد الين اغمى علي ..
وكنت مستغربة ليه ضربني ولما صحيت علمته وانا ابكي ان امي هي اللي قالت لي ..
..
طلع ( جدي مبارك ) ابو ابوي .. و يصير عم امي ..
وكانت بينهم مشاكل وهي حبت تنتقم من ابوي فقالت لي اسوي هالموقف..
وماعرفت السبب الا بعد ماكبرت وصرت بسادس ..
هالموقف سبب لي غصه طول حياتي ..
حسبي الله ونعم الوكيل ..
..
و الى يومكم هذا وانا اعاني من اهلي ظلم و مشاكل ..
الله يصبرني ويعوضني بعوض الصابرين