ما انسى موقف يوم جاتني الدوره ولما عرف ابوي وجاء عندي انا واختي <توام وهزانا وتكلم علينا قدام اخواتي الاربعه وقال ,<جاتكم الدوره وباقي تلعبون والله لو باقي تلعبون لاضربكم ولا تطلعون من المطبخ رتبوه ونضفوه
,,,,,,,,والموقف الثاني كنت باولى كليه وكنا جالسين انا واخواتي الخمسه وقعدنا نسووولف مع ابوي وبعدين سالناه قلنا له مين اللي تحب اكثر وحده فينا رفض يجاوب ولما اصرينا عليه قال احب هدودي <اختي الكبيره اذكر انا تضايقنا وحزنا مرررره ......... واخر موقف تونا خلصنا من الغدا وكان ابوي يقرا الجرايد واحنا ننتظر متى يخلص عشان نقراها ولما خلص وراح ولبس الثوب عشان يصلي مسكتها اختي <توامي اول وجات اختي الكبيره ومسكتها وقاعدين يتخاصمو عليها الين جاء ابوي ولما شافهم قال لتوامي اعطيها الكبيره قالت توامي انا اخذتها اول وخاصمها وقال هذي اختك الكبيره واللي صدق ما انساه لمن تزوجت بعد سنه رحت عند اهلي اقعد عندهم بالاجازه ورحنا بالسياره ولما رجعنا ودخل ابوي السياره في البايكه ونزلنا من السياره وانااخر وحده ونسيت باب السياره مفتوح وابوي رجع بالسياره وصدم باب السياره في العمود وعصب ابوي وانا مادريت الا لما كنت بسلم على عمتي وعمي وجدتي وكان ابوي موجود واول ما دخلت عليهم خاصمني ابوي وقاعد يقولي ياااااحماااااره قدامهم وانا ابتسمت ومن قلبي ابكي من الاحراج

موقفي اللي ما انساه طول حياتي كنت متوفقه واحب اجلس قدام ويكون قبال طاولة المدرسه مباشره فكان بداية العام الدراسي كالعاده نحجز اماكن واجي واختار هذا المكان وعددنا كان شوي يعني كل طالبه لحالها <<ياب تم الشرح زين

المهم كانت وحده بنت معلمه تنافسني بالمواد وبكل شيء <<ايام الشطاره راحت

وامها طبعا مدرستي المهم البنت جت ثاني يوم يوم شافت المكان محجوز طبعا راحت لامها قالت ابي المكان هذا مكان بئى تسذا امها بدون مناقشه قالت قومي وغيري مكانك وجابت كتب بنتها وادواتها
انا وقتها كاتمه العبره والعيون محشيه دموع مالي سلطه على بنت معلمه
هذا الكلام كان قبل الاذاعه وجلست بالفصل ماحظرت مابي البنات يشوفون دموعي
جت الحصص الاولى كان فيه معلمه الله يسعدها ما انساها طول عمري قالت بئى تسذا قومي جيبي الخارطه من المستودع <<ايام نفز علشان نلبي غرض للمعلمه
المهم ناظرت بي الا عيوني حمر رحت اجيب الخارطه واجلس بالمستودع ابكي همن مسحت دموعي

دخلت على الفصل قالت فلانه ليه تبكين انا ماتحملت سكرت عيوني بايدي سالت البنات وشفيها
فزت بنت المدرسه قالت استاذه ماندري من يوم جت من بيتهم هي كذا
انا وقتها عجزت اتحمل صرخت بوجهها قلت كذابه وكبيت العفش كله مدري وين راح خوفي من امها
قامت المعلمه قالت شيلي اغراضك وارجعي لمكانك واذا احد تكلم لك قوليلي وقتها حسيت اني مو ملكت المكان الا ملكت الدنيا <<فرحتي ماتتصور

قلت ابذكر موقفي قبل انساه وجاري قراءة مواقفكم

رفع

اب

يآحييآتي عليييكم

الموقف المرعب اللى ما قادرة انساه وخايفة على بنتى منه


يوم تحرش بى ولد الجيران وانا عمرى 5سنوات الحمد لله ربى كان حامينى وهربت منه ورحت خبرت امى قومت الدنيا وما قعدتها

بس كل ما ادكر الموقف تجينى رعشه