:44:

فديتكم انتو ومواقفكمـ


لو تذكرت شي بسدحه
*_*

ياكثر المواقف الي اثرت فيني وانا صغيره

خليها على الله

الي اتمناها ان بنتي ماتشوف الي انا شفته

انا موقفي محفور بقلبي وعقلي ماانساه
وقت زواج خالي اول زواج يقربلي وامي ماكان ابوي يخليها تحضر زواجات المهم وقتها الحنا كان عند بيت خالتي زوجها متوفي من زمان وانا ابوي ماادري اقول \\\\\\\\الله يسامحه ولا الله لايسامحه عنده فلوس بس بخيل
وقتها كنت بالابتدائي بس صف كم مااتذكريعني كنت طفله اتذكر وقتها سرقت بطوط من جيرانهم وجيرانا غير جيرانهم قالوا لي عيال وبنات جيرانا حرام الله يشويك زي الدجاجه لازم ترمينها وصدقت كلامهم ورميتها مايرون اني سارقتها وانا نفسي فيها الين ذحين اتذكر الزباله ومكانها وكان بالليل \\\\\\الله لايلومني محرومه من كل شئ لاالعاب ولافلوس
وموقفي لمى شفت النقاشه تنقش قلت لاامي ربي يطول بعمرها ابغى انقش قالت مامعاي فلوس ورحت لابوي فرحانه اطلبه قلت ابغى 30 قال ليه قلت ابغى انقش قال روحي عني لاانقشك بكف وعيال خالتي ماتوا ضحك ودخلت غرفه مافيها احد ومت من البكي كرهت النقش وكرهت عمري وياليته مشتري لي الفستان الله يجزاه بالخير اللي تصدقت علي فيه
وبعدين جات امي وخالتي يترجوني انقش وانا مالي نفس وغصب عني خلوني انقش ماادري مين وقتها دفع الفلوس بس مستحيل ابوي
بس كنت اتمنى ابوي يموت علشان اعيش مدلعه زي بنات خالتي كلهم فساتين جديده الا انا بالرغم من ان ابوهم متوفي عايشين بسعاده
بس ماراح اسامح ابوي لانه هالحين مدلع اخواتي من زوجته الثانيه دلع مو هين والله ماانسى كسرت خاطري وانا صغيره وكان مايشتري لي طلبات المدرسه الفنيه وكنت اسرق الاقلام لان ماكان عندي
الله يهديكم اليوم قلبتوا علي المواجع انا منسيت بس احاول اتناسى

ياربي حزنتوني

انا عندي موقف من مدرستي ايام الابتدائي يمكن بخامس ابتدائي
مااااقدرت اسامحها ابدااا حسيتها صغيرة عقل
كنت اتنافس انا وبنتها وكانت تدرسنا رياضيات
يوم من الايام بنتها ماحلت الواجب وقالت بانقصها درجة كامله لا تحسبوني باسامحها <<انا استانست لاني انافسها خخخ :icon28:
المهم يوم استلمنا الشهادات صاير بيني وبينها فرق بسيييط وطبعا هي الاولى وانا الثانيه
واجي اطالع بالرياضيات والقاها معطيتها الدرجه كااااامله
قمت قلت بكل برااائه
امك غشاشه ليش مانقصتك :09:
انا قلت هالكلمه من هنا وتصير الطااآآمه اليوم الثاني الصباح بالطوابير قدااام المدرسه كلهااا
نادتني وقامت تهاوش وتصااارخ علي وتاخذني لين مكان قريب من غرفة المعلمات
وهزآتني وسبتني ومن انتي عشان تقولين انا غشاشه (( من انا ... انا طفله .. الله لايسامحك ))
وجلست ابكي ابكي طوووول ذاك اليوم وبنتها مستانسه اني تهزآت :icon33:
قلت لامي بس للاسف امي اكتفت انها اشتكتها عالمشرفه الاجتماعيه ليتها هزاتها ليتها مرمطتها قدامي واكيد المشرفه صاحبتها ولاصار شي ابد اااه بس
(( امي الى اليوم تدري اني مانسيت واحس ودها انها هزاتهاا ياحبيلك يمه ))
تصدقون من كثر كرهي للمدرسه كرهت بنتها ذي ودرسنا سوا بالمتوسط والثانوي وكنت ماااااطيقها لاني اتذكر السالفه .. نفسي اسامحها بس ماقدرت لان شكلها كان يخوووف وهي تصارخ علي وكانت طويييله ومدنقه علي تخيلتوا المنظر يعني شوي وتعطيني كف
قلبتوا مواجعي