موقف شفته في احد شوراعنا صدمني لدرجه كبيره

السلام عليكم ورحمه الله وبركاته خواتي
مع ان هالموقف حصل من فترة لكن ماراح من بالي ابدا
دايما افكر فيه
واحمد الله على النعم الى احنا فيه لكن مع الاسف مانشكر الله عليها
كأننا خلاص اطمنا ان ربي ماراح يخذها منا ونطمع في المزيد
ونتمنى ان نحصل على اكثر واكثر
الموقف الله يسلمكم
كنا جايين من سوق قال ابوي راح ينزل عند بقاله راح يشتري لنا
ويشوف ولد صغير اتوقع والله العالم عمره 7 سنوات
يشيل حلوى مكشوفه مرميه على الارض الي جنب االبقاله
ابوي هاتك ياتهزأ فينا شوفي الولد اسم الله عليه
ينظف الى الارض الي جنب البقاله ونتوا حتى غرفكم ماتشلون منها شي :D
لكن الصدمه الى دار راسنا بسببها ان الولد
يشيل هالحلوى ويحطها في قميصه ويشيل التراب منها علشان ياكلها
وربي ان خنقتني العبرة
راح ابوي له وقال له ارميها لاتاكلها راح يجي لك امراض
الولد المسكين يقول نظفتها مافيها اي تراب
ابوي يقول له ارميها ان راح اشتري لك غيرها
ماقتنع الى ان دخل ابوي البقاله وشترى له مثلها
بعدها الوالد سئل صاحب البقاله عن الولد قال ان احيانا يجي ويشيل الاكل المرمي
الى يرموه احيانا الاولاد :(
وانه ابوه متوفي ماعنده الا ام واخت
كلما بغيت اكل شي اتذكر هالولد ويتقطع قلبي عليه
مع الاسف اغلبنا عايش وننسى غيرنا الى يتمنى ابسط شي عندنا والي نعتبره من الكماليات بينما هو يمثل شي كبير بالنسبه لهم
في المناسبات والاعراس وربي بذخ واسراف بشكل كبير
لو وزعوا الي يزيد على العائلات الفقيره راح يكسبون اجر وراح يسدون جوع هالفقراء