اول شي تحمدولي بالسلامه بغيت الحق جدي السابع اليوم بالصباح
بمااني فاضيه ذحين وماوراي شغله بحكيلكم بالتفصيل
هذا الله يسلمكم حضرتي عند اهلي انا لي يومين عشان المحروس نازل للحجاز يومين وراجع بالله يااهل الحجاز ماحسيتوا بنوور قووووي << براااااااا خخخ
اهم شي سكرت المنتدى اليوم الصباح وشفت حالي فاضيه
ورحت اعدل حمام الساونا واضبطه خبركم بنرجع للبيت ومرره وحده عشان ادفى
جهزت كل شششي ودخلت طبعاً اخذت معي مجله عشان اتسلى:27:
بغيت ادخل معي اللاب توب عشان اكمل معكم سوالف بس حسيت عيب مايصلح ههههههههههههههه
اهم شي طووولت مررره واصلا انا ماكلت شي من امس العشاء كليت بروستد وعليها
فجـــأه احس ضغطي ينهبط...!!
واقول لا مافيه شي ان شاء الله كملي خلطاتك بس
الا دووووخه قوويه واقوول عشان الساونا بس دقايق وبطلع
تدرون ورب البيت لي ساعتين وثلث بالحمام حشى لو اني بقلب جلدي خخخخ
واكمل وانا صابره احس بمووت
الا خلاص تمددت ..!
انكتمت مافي اكسجين وجسمي فجآه وربي برد كني حد كب علي موويه بارده ...!
ماعاد صرت اشووف شي اوقف ماقدر
دوووخه فضيعه فضيعه
ابي امسك الباب ماقدر..!!
ابي انادي وربي حسيت لساني ثقيل
طبعاً قلت شكلي بمووت ياربي:icon33:
والله يابنات اسحب ابي اكسجين مافيه كل الحمام بخاااااااار قووووي
وابكككي الا كني اسمع صوت برى وانادي بشووويش مافيني حيل اصارخ
الا ياربي لك الحمد اخوي الصغير سمعني ويقول مين هنا يحسبه الشغاله
واقوله انا بس مايسمع:44:
ويقول مين هنا و اقووله ياحقير انا خخخخ
وراح ركض لامي وياقلبي ياامي جايه ررررررررررررررركض تحسبني سقطت خخخخ
وتقول وش فيك وش صاير لك افتحي الباب وربي ماقدر ارد عليهم لابووه ساونا:icon33:
قمت اتمسسسك بالحديده ولبست القميص مقلوب ووصلت عند الباب وفتحته ...الله يالاكسجين يالله الجنه بس
رميت نفسي على امي هههههههههههههه قسم بالله تقول فلم
عاد اخووي يوم انفتح الباب يقول ياوجه الله وش الحراره كلها كيف مانقلبتي شاورما:22:
بغيت افطس ضحك بس قلت موب وقته
عاد اكلت تهزي على كيف كيفكم
ليه تدخلين الحمام وانتي جووعانه
هو انتي فيك سعرات حراريه عشان تحرقينها تسذا :mad:
ناقصه نحف مثلاً؟؟
ليه ماشربتي عصير برتقال عالاقل
هبله انتي هبله لا والله اكيد انتس هبله:angry2:
والله لاقفل عليه وماعاد تشوفونه بغيتي تذبحين نفسك ياتنكه
^
^
كل ذا ورى بعض لبى امي تعرف تخفف عني هههههههههههه
مايسوووى علينا ساونا بس من بغى الدح ماقال اح
عاد بعد اللي شفته توووبه الله يعز الدافور وقدر فوقه ودقيقتين لانتي خالصه خخخ
صابتني فوبيا وعقده من الساونا ولا ودي حتى اناظر فيه خخخخ
نصيحه لا تدخلوونه وانتم جيعانين وماكليتوا شي ثم عاد تخيلي اخوك مايمر من عند باب الحمام ولا يسمع صوتك عز الله تلحقين جدك الثاني عشر
خخخخخخ
يالله فوتكم بعافيه