ياقلبي انتي اسأل الله ان يمد في عمرك على طاعته ويتم عليك الصحة والعافية مافي شي الا له علاج وموعدك روحي ولاعليك منها انبسطي ولايضيق خلقك وانا خيتك والله انها جاهله لو انها تعرف ايش هالمرض مانطقت بهالكلمة بس بعض الناس تحب تمزح ويجي غلط يمكن توقعته مثل فقر الدم شي بسيط احسني الظن ولاعليك من احد ربي يحبك لان المؤمن مبتلى حتى يقربه الله اليه احتسبي الاجر في مرضك حتى تاخذي اجر الصبر وتصدقي بنية الشفاء لاتقولين ماراح اتشافى لاقال الحبيب صلى الله عليه وسلم لكل داء دواء الا السام يعني الموت
وربي يفرحك بشفاءك يارب ياكريم

أوكي الدكتوره غلطت ومهما كاااان فيج مب زينه الشماتة
وصدقيني من عاب ابتلى والدنيا دواره
بس مثل ماقالو الخوات هي ماتعرف بمعاناتج وما تدري هالمرض شنو تتحرا شي بسيط لان قلتي ما تعرفه
المهم خلي ثقتج بالله كبيره
ادعي لنفسج بالدعاء ولا تياسين من رحمة الله هو القادر هو الشافي المعافي
لا تسمعين كلام الأطباء لان كلامهم كله تخويف
وتيقني انه لج رب كبير قادر على كل شي
اتصدقي بنية الشفاء
داوو مرضا كم بالصدقة
صدقيني الصدقه شي عظيم
لا تقولين حالتي مايووس منها وتدمرين حياتج وانتي صغيره
الله يعافيج ويشفيج
واللي تشمت فيج بيجي له يوم بينحط بنفس الموقف

اشفقي عليها واحزني عليها هي 
انتي مبتلاه بمرض جسدي ولك الاجر باذن الله 
وهي مبتلاه بمرض الشماته و عليها الوزر 
مين اللي مفروض يبكي ويخاف ؟!
مين اللي مسكين وغرته حالته و نسى ان النوائب تدووور ؟!
الله يشفيها قبل ما يشفيك 
ويكتب لك الاجر دنيا واخره على صبرك 

حبيبتي إنتي قلتي إنها ماعرفت المرض يعني ماتعرف معاناتك،خليكي منها ولا تحطمك كوني قوية وطنشي.
ربي يشفيكِ ياقلبي إنه على كل شيء قدير
وأنصحك تشربي منقوع تين مجف بس مايكون مع الألبان في نفس الوقت.

الله يشافيك ويعافيك كل شي بأجره ياعمري