موقف صارلي وانا عروس وبشهر العسل..ياساتر

مرحبا بنات
بقولكم موقف صار لي
وانا عروس تقريباوبشهر العسل قبل سنه وكم شهر
قالي زوجي يلا نروح لجده نتمشى ونغير جو
قلت اوك يلا.. يوم وصلنا هناك قعدنا اسبوعين مأجرين شقه وقاعدين فيها
يوم عرف عم زوجي حلف علينا اننا نروح لهم وانا ماكنت ابي اروح قال زوجي شوي ونمشي بس نسولف معهم شوي حتى اغراضنا لاتاخذينها نبي ناخذ راحتنا اكثر بالشقه قلت اوك
ويوم رحنا لهم لقينا زوجته نايمه لان وصلنا بوقت متأخر وزوجي قاعد مع عمه المهم
وانا دخلت عند البنات جوا واستقبلوني احلى استقبال وضموني اول ماشافوني
وربي يابنات ماكاني مرة ولد عمهم كأني اختهم وضيفوني احلى ضيافه المهم قالو لوتحبين تنامين روحي نامي وانا تعبانه ومرهقه قلت اوك يلا تصبحو على خير
ويوم رحت الغرفه الي فارشين لنا فيها مبخره ومعطره وذاك المفرش الي يفتح النفس..المهم نمنا ويوم صحينا راح زوجي يجيب اغراضنا لان عمه حالف علينا ورجع وتحممت وبدلت ملابسي ورحت عند البنات ومرة ابوهم وبعدين انا جالسه والبنات يذاكرو ومرة ابوهم حاطه رجل على رجل ولا تحركت من مكانها ولا جابت قهوه ولاعصير ولاحتى كوب مويه...ماغير ماسكه ذاك الريموت ومن محطه لمحطه
اخر شي قامت وحده من البنات وراحت جابت لي كوب عصير وقطعة جاتوه
وصلحت القهوه وجابتها وقعدت تقهويني
على فكره البنات صغار مش كبار كانو بالثانوي..وانا الى الان ماخذه موقف من مرة ابوهم يعني ماكلفت عمرها وقامت تتقهوى معي ولاشي
المهم يوم جاء الليل ورحت لزوجي بالغرفه
قعدت ابكي قال وشفيك قالت مش مرتاحه هنا يلا نروح..وعلمته بكل السالفه عاد هو استغرب..واليوم الثاني الظهر مشينا للطايف
عاد يوم مرة عمه تدق علي
اقولها تعالو لو جاتكم فرصه..ابي اوريها الكرم والضيافه على اصوووول
عاد انا مقهوره ابيهم يجوني بأي وسيله
يوم علمت امي وخواتي قالو واضحه ماتبيك تروحين ..ولاعاد تروحين لهم مره ثانيه
عاد يمكن بعد فتره نروح جده انا وزوجي
وانا اقوله من الحين منيب رايحه لذيك الحرمه
يعني منيب رايحه
وهو ميييييت ضحك.{قال ابشري محنا برايحين لهم
وش تفسرو حركتها