موقف صار اليوم

سلام عليكم بنات
اليوم صار معاي موقف خلاني اتكلم عن الموضوع هذا. دايما كنا نسمع الناس تقول عامل والدينك عدل و بر فيهم اعيالك راح يكونو بارين فيك. ما كنت اهتم للشي هذا.
الحمدلله علطول افكر اشلون اريح امي الله يخليها لي ذخر يارب. اشلون اسوي اشياء زينه تنفع ابوي الله يرحمه بآخرته.
امي كبيره في السن و مريضه بأمراض الدنيا الله يشفيها يارب. دايما لما كنا نبي نطلع انزل تحت ريلها و البسها انعالها و انتوا بكرامه.
اليوم طالعه ويا اعيالي رايحين الجمعيه و قاعده البس انعالتي و انتوا بكرامه. ولدي الكبير عمره 4 سنوات تقريبا كان معاي لقيته نزل و حط الانعال عدل بريلي. حبيبي الله يخليه لي و يصلحه يارب
والله يا بنات ما تتخيلون اشلون استانست و فرحت و قلت الحمدلله. قلت له ليش خليفه اقدر ماما البس انعالي. قالي ميخالف اساعدج. يا عمري عليه قولوا ماشاءالله
يا بنات ما اوصيكم بروا والديكم و خلوهم مرتاحين. الله يحفظهم لنا يارب.