شهودي2006 @shhody2006

كبيرة محررات

موقف صار امس فى السوق .خلانى اقول الدنياء لسى بخير ........

موقف صار امس فى السوق .خلانى اقول الدنياء لسى بخير
السلام عليكم
اخواتى انا وكثير من الناس يمكن اكثرهم
دايم نقول الدنيا مافيها خير
الدنيا ماتسوى,,,,,,, الناس تغيرت .......مافيه احد يحب احد
ولا يسئل عن الثانى ....الكل لاهى فى دنياه
نمرض ونطيب ماحد يسئل
تمر عليك ضروف ماتلاقين من يواسيك ويوقف جنبك
الاغلبيه يشتكى من صديقه اواخت او قريبه انها تغيرت عليها ولا تدرى وش الاسباب صح والا لا
حتى فى حالات الوفاة تلاقين كثير من الناس يكتفون بالاتصال فقط
حتى الزيارات بين الاهل والمعارف صايره قليله جدا
واذا صارت مناسبه حطوها فى استراحه
معاد فيه زيارات للبيوت الا نادرا
اول كنا اذا بغينا نسير نتصل
الو فلانه نبى نجيك الليله
الله يحييكم انتظركم
بكل بساطه بدون تكلف ورسميات
كنا نستحى نتعذر من الضيف
مهماكان عندك ارتباط تاجلينه الا اذا مررره خاص تعتذرين بعد ماتاخذين موعد ثانى واكيد من ضيوفك
الحين اذا بتزورين احد لازم تكلمينها قبل 3او 4 ايام
وممكن تعتذر منك عادى ...........
اول كانت الحياه بسيطه والبيوت صغيره بس القوب وسيعه وتاخذ العالم
والضيف له حق وله صدر البيت

الحين البيوت صايره كبيره ومرتبه وكل شى متوفر ولله الحمد
وكل واحد يكبر المجالس والغرف
لكن مع الاسف اصبحت بيوت مهجوره
النفوس ضيقه ماتتحمل احد
طيب ليه .........وش الى غير الحال بحوال
البعض يتعذر بضيق الوقت تقول مالقيت فرصه ازورك او نجتمع
والبعض يتعذر باعذر غريبه الى تقول بيتى تعبانه فيه ولا ابى احد يحوسه على واذا بسوى عزيمه احطها بستراحه او حديقه
واالى تقول يووووووووه فاضيه اقعد احوس واطبخ ورتب
وووووووو
معقوله الرسميات الى حنا خلقناها هى السبب
او القلوب تحجرت وماعاد يهمها صله الرحم

نسينا منزلة صله الرحم فى ميزان الاسلام

1-اقسم الله تعالى بها وقرنها بالتقوى
قال تعالى(فاتقوا الله الذى تساءلون به والارحام........)

2-دليل الايمان
قال صلى الله عليه وسلم(من كان يؤمن بالله واليوم الاخر فليصل رحمه)

3-زيادة الرزق وبركة العمر وتحسين الخاتمة
قال صلى الله عليه وسلم(من سره ان يمد له فى عمره ويوسع له فى رزقه ويرفع عنه ميتة السوء فليتق الله وليصل رحمه)
وهناك الكثير من الفضل فثواب الله لا حد له

وقفت مع نفسي وقلت ليش مانحط حد لهذا الوضع ليش مانبدا
يدا بيد
ياليت يابنات نغير هالعادات ونرجع مثل اول
نوصل بعض بقوب نضيفه
محبه بسااااااطه وطيبه
نصير قلب واحد نحس بعض
نحب بعض من صدق ماهو مجاملات
نشارك بعض فى افراحهم فى احزانهم
يد وحده مثل اول .......
خلونا نقول من باب التفاؤل الدنيا لسى بخير

شاركونى ارائكم واقتراحاتكم :27:

موقف صار لى امس فى السوق خلانى اقول الدنيا لسى بخير

امس كنت فى السوق وقت العشاء
واشوف حرمه تنادى وتبكى واثاريها ياقلبي بنتها ضايعه
قسم بالله يابنات رحمتها وقعد اتلفت وادور بنت تكون لحالها اقول يمكن تكون بنتها
المهم مالكم بالطويلم البنت لقوها بس بعد نص سااااااعه بعد مانشف دم امها
وياقلبي وربى لو تشوفون الحريم الى فى السوق الكل يدور معاها ويوم لقت بنتها طاحت بالارض ماقدرت توقف وقعدت بالارض
تضم بنتها على صدرها وتبكى والكل اجتمع عليها الى يسمى عليها والى يعطيها مويه
والى يهديها
يالله من جد موقف مؤثر وربى دمعت عينى
لما شفت فزعه الحريم معاها ولمتهم حولها
قلت فى نفسى الحمد لله الدنياء لسى بخير

يلزم عليك تسجيل الدخول أولًا لكتابة تعليق.

تسجيل دخول

U-TURN • 13 سنة

بارك الله فيك موضوع قيم
لنبدأ بأنفسنا وسنجد التغيير

(نوووشه) • 13 سنة

يسعدك شهودي
اي وربي القلوب فيهاخير والدنيا لساتهـــا طيبه وفيهاخيــــــــــر
عني انا ماراح انسى وقفت الجميع معي بوقت حزني وبعض الاخوات عساهن للجنه ووالدينهن ماقصرن ابد بالسؤال ومساعدتي ونصائحهم لي ودعاهم لي
ياربي مدري كيف اردلهم جميلهم وربي مدري كيف ارده
بان معدنهن الحقيقي بانت الاخوه الصادقه بان الخلق الاسلامي الرفيع
هي اخلاقهم الحقيقه هم تربوا عل كذا
ياجعلني ماعدمهن ياجعل السعاده وين مايروحون يلقونها بطريقهم
وربي بكل وقت ادعيلهم ..امي اللي كانت دايم تقولي تراك منهبله على ذا المنتدى
وريتها موضوعي ومواضيع البنات كلهــــــا وربي دعت للجميع
حتى بغت تطقها بكوه هههههه
يسعد يوم عرفتهم فيه
من قال انه منتدى؟!
حنا جسد واحد اذا اشتكى فيه عضو تداعى له سائر الجسد بالسهر والحمى
اقولهـــــا بالفم المليان الدنيا فيهـــــــــــــــــا خير

ساندريلاMMM • 13 سنة

جزاك الله خير موضو ع ر وعه

غيـ الشوق ـوم • 13 سنة

مشكـــووورهـ تسلمين ياعسل على الطرح

..الحمدلله على كل حال..

عمله نادره وقليله جدا في مجتمعنا العربي

وأسأل الله ان يصلح شأن الجميع..

بوركت وجزاك الله الجنـــــآن

ابلة بدون سبورة • 13 سنة

جزاك الله خيرا