موقف صار بيني وبينه ادخلو وانصحوني

حبيبتي يمكن اخواته قالوا هات نغسلها وهو قالهم : لا . ورفض
ترى كثير تصير
انت مباشرة عصبتي عليه وعليهم وانت ما تدرين وش اللي صاير
والرجال جاي من سفر يبغى يحس انك مشتاقة له وتبعدين عن المشاكل كم ساعة اول ما يجي مو تعصبين وتخلطين بين الامور
ومن قالك ان الرجال من نطلب منهم شي يقولون : سمي وابشري وطير شلوى ما يمدي نفتح الفم بالطلب الا وهو جنبنا !
يبي لنا سوالف ومرات يجي ومرات لا
يبغى لك تشوفين كيف طريقة التعامل معه شكل طريقتك غلط
والرجال مقهور منك ومن تصرفك وحمق عليك
يعني اول ما وصل سويتي سالفة عليه وعلى اخواته
ثم سالفة ثانية انك منت شغالة عنده
ثم لحقتيه وهو زعلان ومعصب ويبي يبعد عن وجهك لا يتهاوش معك واستمريتي تدورين مشكلة معه !
بعدين شيلي كلمة شغالة من لسانك حبيبتي
اذا شبهتي نفسك بالشغالة بيشوفك شغالة اكيد !!
واذا شبهتي نفسك بالشريكة اللي توفر له بيئة وبيت مناسب وتستقبله وتعيش معه بيشوفك كذا
لا تجلسين ترددين عنده هالكلمة
اذكر بنت كانت تقولها لزوجها وبعد فترة صار يرفض يوديها لاي مكان
ولو تطلب البقالة
يوديها كل شهرين لاهلها في منطقة قريبة وبس وانحبست بالشهور
وكلما قالت بطلع ابغى
قال انا منيب سواق عندك
اكلك بيجيك ولبسك واصلك اطلبيه من الانترنت وادفع لك وغيره انت لا تصيرين شغالة عندي وانا منيب صاير سواق عندك
وتأدبت وتعلمت اللسان الذرب وان الحياة مشاركة مو رمي اتهامات ومشاعر سلبية

شوفي يااختي عندي نصيحه لك ولكل وحده بتدخل الموضوع
ترى إحنا بطريقتنا بالتعامل مع الناس نقدر نطلع احسن مافيهم وأسوء مافيهم

كل إنسان فيه جانب كويس وجانب سيء
ليش تستفزينه لحد مايطلع أسوء ماعنده
طلباتك اطلبيها بالطريقه اللي انتي عارفه انه بيمشي معك فيها
الغسيل طيب كنتي غسلتي له الملابس ورتبتيها بمحبه وحتى مالك شغل بخواته يغسلن أو لا مو واجبهن يعني
وبصراحه عيب خواته يغسلن له ملابسه يعني انتي عادي اخوك يغسل لك ملابسك اكيد لا الملابس لها خصوصية

الحين ايش استفدتي من خناقك معه مااااغير شفتي أسوء شي عنده لاوعاملك زي الخادمه قالك أسوء الآلفاظ ورحتي وغسلتي
طالما انتي عارفته وعارفه نفسك
إكسبي نفسك كراااامة نفسك أقل شي وهو إكسبي أجر الكلمة الطيبه معه وحسن التبعل له أجره

أكره ماعلي اللي تناحر زوجها وداحره ترى حتى الخناق لو بتتخانقين له أسلوب لاتتخطينه ولايتخطاه هو
وصدقيني بالنسبة للطلبات اللي مايجي اليوم بيجي بكرة أهم شي لاتوترين الآجواء وتنهانين بالصغيرة والكبيرة

يعني الحين اذا ماقمتي بواجباته

علا بالك بيتسنع وبيجيب لك اغراض لا طبا بتزيدي الطينه بله

دام قالك اكلي تبن وانقلي اخذي الموضوع ماه بالتفاهم مره مرتين ثلاث

ان مانفع اشتكيه عند اهلك وقولي مقصصصر مايا

المفروض بعد مارميتي علا وجهه الملابس ليش خفتي هددك بالطلاق

عشان تشلينهم غصب

سبحان الله