موقف صار لي بالغربه

السلام عليكم ورحمة الله
حبيبات قلبي دايم اقرى قصصكم واخذ منها عبره
حبيت اشارككم بقصه صارت معي شخصيا واxxx على قد ماكنت اقرى نفس هالنوع ماصدق او احاول اكذبها او اقول نادر جدا تصير لين صارت معي
انا بغربه ولي صديقتين تعرفت عليهم بالمعهد وانا من النوع اللي لاصادقت خلاص افدي الوحده بروحي .. اسوق ولو يطلبوني مشوار لو مشغوله اترك شغلي او اقول لزوجي ينتبه لاطفالي واروح اخدمهم انه حرام والقطارات تطول وتعب
يامى ويامى شال عني زوجي وتحمل الصغار وقت طويل بحكم الو فلانه ابي البنك ولا ابي السوق وانا اجامل كثير ومشاوير بعيده لكن هو متفهم الله يسعده
الى مره قال خويتك فلانه اسحبي عليها ( هم ثنتين ) وحده متزوجه نفترض اسمها نوف والثانيه لا اسمها ريم وكان يقصد ريم اللي ماتزوجت قلت ليه قال بس مصلحجيه شكلها ومن هالكلام وانا صدقته انه بس كذا وقلت لا حرام مالها احد هنا ولو اني اغيب واجد من البيت خلاص بتعذر لها قال لا ماقصدي وتونسي بوقتك ومن هالكلام وسكت
بعد فتره جالسه مع زوجي وتجيه رساله على جواله ويقول هذا اللي كنت خايف منه 💔 ويوريني الرساله الا من زوج نوف مرسله يافلان كلم زوجتك تخطب لي ريم وانه انا ونوف بس ننزل الxxx بنتطلق
والله يابنات كنا بكوفي ان دموعي اربع اربع ورجليني ترتجف صدري المني من البكي وعلى طول مشيت البيت شلون كيف ليه !!! قال حذرتك منها تراها توزع نظرات لكل واحد ويامى شفتها ترزز عند الكوفي وانتي مو فيه وتحاول اطالع لها وانا فاهمها وسافه بس شكلها طيحت زوج نوف
المهم قلتله ارسله عطني مهله يابو فلان اخاف يروح يكلمها واضح مابينهم مكالمات ولا مارسل لنا وانا بحل الموضوع .. ورحت لنوف وقلتلها الموضوع وعزة نفسها قالت لي عادي كلميها هنا لاشعوريا ضربتها كف وقلت خلي عنك المكابر الخايس قالت انا ماتشوفيني كل مكان تشيلينها اقولك مريني معكم والله ماودي واهملت بيتي ودراستي بس اخاف يروح يقابلها هناك كل مكان اشوفها حوله بالمعهد بالبارك بالكوفي بكل مكان نظراتها ماتحترمني حتى !! قلت اسمعي انا بقوله اني خطبتها وقالت هي مخطووبه وعصبت كيف يتوقع اوافق وانا خوية زوجته !! وانتي مابقى لك شي وتنزلين الxxx وهي شهر وتنقل ولايه ثانيه وسوي روحك ماتدرين بشي
اقتنعت بكلامي وارسل له زوجي البنت مصدومه من تفكيرك ياابو فلان وهي مملكه بتنزل السعوديه وبترجع بولي امرها زوجها واذا بينكم مشاكل انت وزوجتك نعين ونعاون
الصدمه قال والله انا مافكرت اول فيها بس هي تلاحقني حتى بالمعهد تجي تطل علي يوميا 💔💔
والمكان اللي هي فيه ماعاد يقرب وهي استغربت صرت انتبه تسال وين ولدك يانوف مابين > انه يكون مع ابوه يمشيه بالمكان اللي حنا فيه وصار ابد مايقرب لين سافرت البنت ..
والحين نوف بولايه وريم بولايه ثانيه ولادرت عن الخطبه ابد
تعلمت انه لا تثقين لا بصديقه ولا غيره .. ماتندمت ع تعبي معها بس تذكرت اول ماتعرفت عليها وسالتها عن الغربه قالت خليني احصل لي معرس بس يكون ولي امري وضحكنا وكنت افكرها تمزح وطلعت جاده .. وانه كل فتره تذكرني وتحذرني امانه لاتدري ريم ولا زوجك اني مطلقه وليومكم مافكرت اقولها بس بعد الموقف حسيت ان تخطيطها كان لبعيد بس ماعلمتهم للحين ولانويت ابد احترمت رغبتها مع انها ماحترمت العشره لكن الله يرزقها الزوج الصالح وييسر امورها المتعسره بالغربه
اكيد في بنات بيعارضوني وانه قطعتي نصيبها يمكن و و و بس اللي مارضاه على نفسي مارضاه على غيري لو صار الموقف لي بتمنى خويتي تعلمني واحافظ على بيتي
ماحلل نقل الموضوع انستغرام .. نص القصص صايره احصلها هناك ويمكن ينعرفون بالاحداث حرام بنات تنقلون بدون اذن صاحبة الموضوع