موقف صار لي وابي رايكم فيه

امس رحت السوق وصار موقف ضايقني ورجعت وانا اقلبه في راسي وافكر فيه واتساءل ايش التصرف السليم لمثل هذي المواقف اذا مرت علي اي وحده مننا ..

السالفة يا عزيزاتي اني دخلت محل وادور فيه وشفت بلوزه معلقة مع مجموعة من البلايز شلتها معاي وجلست ادور شوي ادور بالمحل اتفرج على باقي البضاعه .. بعدين رحت الكاشير عشان احاسب وقفت عنده وكان جنبي وحده بتحاسب الا فجأه وبدون مقدمات سحبت البلوزة مني قالت حقتي انا طيرت عيوني وتنحت شوي بعدين رديت عليها بضحكه قلت كيف حقتك وانا لاقيتها معلقة هناك .. قالت بنتي رجعتها وانا ابيها قلت لها يعني ماصارت حقتك قالت لي بنبرة حاده اقوووووووولك حقتي وباخذها وجيبي لك غيرها (لاحظو انو فيه غيرها مليان يعني مو آخر حبه )
المهم انا مشيت وقلت والله عيب هنا هي بدت تصارخ وباعلى صوت قالت لاتخليني اوريك العيب وشلون ومن هالكلام الواطي السخيف.. انا هنا رحت وخليتها وخصوصا ان المكان مليان رجال فاستحيت والله اعلي صوتي مثلها وارد عليها واللي خلاني بعد اتركها حجابها الله بالخير فقلت بنفسي اللي ماراعت ربي بحجابها ماراح تراعي الناس بأفعالها ..

اللي بعرفه يا بنات اذا مر عليكم زي هالأشكال كيف تتصرفون معهم تعملين بأصلك وتكظمين غيظك والا ترادينها وتوقفينها عند حدها والا كيف !!

بانتظار ارائكم ..