السالفة وما فيها انو بنتي الصغيرة في الأبتدائي عندها حفل في المدرسة (مجلس الأمهات يوم الأربعاء) وقالت لي ياماما لازم لازم تحضرين حفلي وانو صديقاتها كلهم امهاتهم راح يحضروا الحفل .المشكلة اني معلمة ولا اقدر اغيب لاني سمعت شيخ يقول لايجوز للمعلم ان يغيب عن عمله بدون سبب قوي مثل المرض او نحو ذلك حتى الأستأذان لايجوز ان تترك الحصة وتأخذ راتب عن تلك الحصة وانت لم تحضر
المهم حاولت اقنع بنتي اني عندي حصص ورا بعض الى الساعة الحادية عشرة ولا اقدر اطلع الا لحد مااخلص حصصي قالت لي بنتي ان حفلها ينتهي الساعة الحادية عشرة يعني ماله داعي اجي وراحت تنام في غرفتها ودموعها على خدها :icon33:. حز في نفسي ذلك :44:وتمنيت من قلبي اني احضر حفلها بس خفت من الله وتذكرت ان التدريس امانة نحن محاسبين عليه لكن حفل بنتي ليس مهم
وفي الصباح اعادت علي بنتي السالفة فقلتلها انسي اني اجي وركبت الباص وهي تبكي
رحت للمدرسة كالعادة وشرحت عادي لفصولي اول ثانوي ولما جت الفسحة ودق الجرس كانت الساعة تقريبا التاسعة والنصف كان عندي حصتين عند ثالث ثانوي رحت للفصل وكانت المفاجأة الفصل فاضي مافيه احد سألت المعلمات وين ثوالث قالوا لي صح النوم ثالث اليوم غايببين يذاكروا عندهم العصر اختبار قدرات وكل ثالث غايبين مافيه احد جاء وما فيه شرح اليوم :icon28:وعلى طول ادق على السواق واستأذن من المديرة واطلع لمدرسة بنتي واحضر الحفل صحيح مش من البداية بس لما شافتني بنتي طارت من الفرح
سبحان الله فرجت وكنت اظنها لا تفرج ومن يتق الله يجعل له مخرجا ويرزقه من حيث لايحتسب
اخواتي اللي صار لي اليوم شي عجيب تخيلوا فصلين كاملين كل فصل فيه اكثر من اربعين طالبة كلهم غايبين مع انهم من النوع اللي مايغيب بس لاني اتقيت الله فيهم فرج لي الله وهو على كل شي قدير
الى كل مهموم والى كل انسان في ضيق ومشكلة عليكم بتقوى الله وسترون الفرج من حيث لم تحتسبوا
دعواتكم لي بالتوفيق والتيسير في اموري كلها