موقف صدمني في مستشفى العسكري خلاني اراجع حسباتي

السلام عليكم ورحمة الله وبركاته



كنت اليوم في مستشفي العسكري عندي مراجعه لاني متاخرة في الحمل


صدمتني عدة مواقف تعور القلب شفت حريم ورجال كبار بالعمر يراجعو ا المستشفي بعضهم يمشي بعكاز

والبعض بكرسي متحرك ولااسف الي معاهم يا الشغالة او السواق ليش وين عيالهم ليش مو هما الي يراجعو فيهم

والله العظيم شي يقهر معقولة اخلف واربي واتعب واذ كبرو عيالي محد يهتم فيني مواعيدي بالمستشفى مرضي اروح واجي مع شغاله او سواق

عيالي مايكونو ا جنبي سئلت نفسي كثير ليش وين عيالهم بس مالقيت اجابه ممكن تكون مشاغل دنيا

اي مشاغل الي تخليني اسيب امي او ابوي لحاهم في المستشفي مع سواق او خدامة وين الحنية وين رد الجميل

والي خلاتي اتعب اكثر رجال كبير يمكن عمرة في السبعين بكرسي متحرك سمعت رجال الامن يقول هذا عنده غسل كلوي ودايم يجي لحاله مع السواق قطع قلبي منظره

خلاني افكر للحظة وادعي اقول يارب اذ بتكتبلي عيال عاقين او مايوقفوا جنبي خلال مرضي مابغى عيال ليش

اتعب واراكض من مستشفي للمستشفي وبكرا اجيب عيال افرح فيهم ادلعهم اكبرهم ازوجهم وبالاخير مالاقي

حد جني في مرضي


كتبت موضوعي هذا حطيت نفسي مكان الكبار بالعمر شعور صعب وانا في عز حاجتي لعيالي مالاقي حد جني كسرة نفس كبيرة


و في المقابل ماشفت اطفال مع شغاله لحالهم تكون مرافقه صح بس بوجود الاب والام


ياجماعة الخير اتقوا الله في الي سهروا وتعبوا عشينكم اتقوا الله

اذ كان زوجك مقصر في ذي الناحيه مع اهله انصيحة لاتفرحي بذا الشي صدقوني كله بتلاقوه في يوم من الايام


وارجع اكرر واقول اتقوا الله والله العظيم الدنيا دوارة وكل شي ببحسابه