نسأل الله أن يجعلنا بارين بأهلينا ويمتع أبائنا وأمهاتنا بالصحة والعافية

ويرزقنا بر أولادنا ويغنينا بمنة وفضلة عن خلقة آميــــــــــن

جزاك الله خير على النصيحة الذهبية

فيه نماذج سيئه وفيه الي مااقول الاالله يجزاهم خير انا شفت بالعسكري لمازرت الوالد قدامنا
واحد ابوه في غيبوبه 3سنين تخيلي ترك الشاب شغله عشان يرافق ابوه لوتشوفيه كل فتره يحرك جسم ابوه عشان مايتحجر الدم ويغير الاوكسجين واغلب وقته بالمستشفى مع انه متزوج وينام مرات عنده
وشايب ولده حتى الاكل يوكله بنفسه والي يقرا قرآن على ابوه حتى صوته العبره خانقته

ترا الدنيا بخيرررر والحمدلله والله يهدي كل مقصر بحق والدينه

آآآآآآآآآآآآآآآآه يااختي جيتي عالجرح ..انااخواني مقاطعيني عشان ابويا مرررررررريض ومااحدفيهم يبغى يوديه للمستشفى واناشلته وديته وقلتلهم مافيكم خير قامويقولوعني راعية مشاكل ..لاواختي تقولي لاتخسري اخوانك طيب هم مافكرو انهم مايخسروابوهم اللي رباهم وكبرهم وعلمهم وزوجهم آآآآآه وآآآآه وآآه عليك ياابويا دمعتك عندي تسوي زعل اخواني مني كلهم
ابوياتعبان مره ومنتهي الكبدعنده فشل والآن الكلاكمان بدأت الله يلطف بيه ويخفف عنه يارب
سامخيني قلبتي مواجعي وفتحتي جروحي

والله ان الوالده رحمه الله عليها جلست في مستشفي التخصصي وجلسنا في التنويم مر علي كثير من الحالات وشفت رجل في غرفه العمليات مامعه احد وشفت رجل معه باكستاني في التنويم هو اللي ياكله ويشربه وعياله مايزورونه الا يوم الجمعه وشفت حريم كثير مامعهم الا شغالات وفيه ناس مامعهم احد هذا من الناحيه السلبيه وفيه ناس لكن هم قليل مريض ومعه اخوه الي اخر لاحظه اسال الله في هذي الساعه في الزوج الصالح والذريه الصالحه المعافها يارب وحسن الخاتمه