بنت ناس^_^ @bnt_nas_19

عضوة فعالة

موقف صديقتي واختها وانفجار صديقتي وصدمتي

السلام عليكم ورحمة الله وبركاته..

بارك الله لكم في رمضان ورزقكم الغفران والرحمه والعتق من النيران

اللهم امييين

بدخل بالموضوع على طول
صديقتي المقربه جداااااااا من الابتدائي جايتني هي واختها

بوصف لكم صديقتي واختها ظاهريا
من الابتدائي وصديقتي تلبس عباية راس واختها برضو
من الابتدائي مايسمعو اغاني
مايطلعو لأحد الا انا ولازم معها اختها
هذا الوضع الى الثانوي
في فترة المراهقه ماكانت تعجبها حركات المراهقات كانت بمعنى ثاني حررمه ماشاءالله
راكده وراسيه وكأنها أم وعندها عيال
وكانت تردد علي دائما امي مطوعه امي مطوعه

المهم دخل وقت صلاة المغرب وهم عندي فرشت لهم السجاده والجلال وقلت يلا نصلي ونكمل سوالف
قامت صديقتي تصلي واختها جالسه تشغل نفسها وكأنها ماسمعت

فأنا قلت يمكن عليها الدوره تكرمون ومنحرجه

ناظرت يدينها لقيتها حاطه مناكير فتأكدت من هالشي
المهم صلينا وخلصنا انا وهي قالت لأختها قومي صلي

قالت ماعلي صلاة

قالت مرام قومي صلي وعصبت عليها

اختها تفشلت وقامت قالت ماتفهمين علي الدوره وراحت لدورة المياه تكرمون

نوره صديقتي عصبت حيييييل يوم راحت وانفجرت عندي قالت تكذب ماعليها الدوره
بيتنا كلهم كذا مااااايصلون وقعدت تبكي

تقول امي مطوعه ظاهريا

عندها الدين عبايه وماتسمعين اغاني
من يومي صغيره وهي تقول ألبسي عباية راس لاتسمعين اغاني ولا قالت لي وعودتني على الصلاة

امي تربيتها لنا غلللللللط ولا أٌقدر انصحها ماتتقبل مني

تقول امي عند الناس مطوووووعه وهي حتى صلاة تجمعها
زواجات اغاني ماتحضر
وهي قاطعه برحمها وأخواتها
اذا شافتني لابسه عباية كتف قالت هذا فجور وفسق
واذا ماشافتني اصلي ماهمها

ياليتها تحرص على الصلاة مثل حرصها على العبايه

خالاتي مقاطعتهم واذا واصلتهم قالت لي تبرين بخالاتك وانتي عاقه فيني وتدورين اللي يقهرني توصلينهم وهم مايطيقونك ويخربونك علي

والبنت تشششهق وتبكي وانا مصدوووووووووووومه

قالت كل ماقلت لها يمه حرام قالت اسكتي اخر وحده تعرف الحرام انتي

تقول اخوي الكبير مايصلي تقول له ببرود روح صل ياولدي يقول طيب وهي عارفه انه مابيروح المسجد ولا تصر عليه وتعصب

مااااعمرها وقفت اخواتي عند حدهم اذا ماصلو ولا تقولهم روحو صلو اصلا ولا هي حريصه على الصلاة

اختي الكبيره ماتصلي واذا نصحتها تعصب وتقول اسكتي مابقى الا انتي تنصحين والحمدالله نصلي

تقول مدددري وش اسوي كيف انصحها كيف اغير اخواني تربيتنا غلللللللط

يابنات تكفون علموني طريقه اوصلها لصديقتي وربي قطعت قلبي قلت لها انا ماعندي حل ولا اعرف كيف اقدر افيدك بس بنزل مشكبتك بعالم حواء يمكن احد يفيدك

يلزم عليك تسجيل الدخول أولًا لكتابة تعليق.

تسجيل دخول

الخيــزران • 13 سنة

أول شي تدعي لهم بالهداية ولاتيأس منهم
تحاول تبدأ مع أخوانها الصغار لأنه سهل تعودهم على الصلاة وفي نفس الوقت تذكر أمها وأخوانها الباقيين بالصلاة بس بدون عصبية ونرفزة عشان ماتنفرهم
إذا شافت محاضرة في التلفزيون عن الصلاة تحاول ترفع الصوت عشان يسمعون الباقيين

ونفس الأفكار تحاول تطبقها على بقية الأمور

بنت ناس^_^ • 13 سنة

استغفرك ربي واتوب عليك

بنت ناس^_^ • 13 سنة

الخيــزران :

أول شي تدعي لهم بالهداية ولاتيأس منهم تحاول تبدأ مع أخوانها الصغار لأنه سهل تعودهم على الصلاة وفي نفس الوقت تذكر أمها وأخوانها الباقيين بالصلاة بس بدون عصبية ونرفزة عشان ماتنفرهم إذا شافت محاضرة في التلفزيون عن الصلاة تحاول ترفع الصوت عشان يسمعون الباقيين ونفس الأفكار تحاول تطبقها على بقية الأمور

أول شي تدعي لهم بالهداية ولاتيأس منهم تحاول تبدأ مع أخوانها الصغار لأنه سهل تعودهم على الصلاة...

فكرتك حلوه جزاك الجنه
بخليها تدخل وتقرأ ردودكم

OM DORAR • 13 سنة

الله يهديهم حاولوا تكلمون شيخ وهو ينصحهم وكمان داعيات تروح هيه وامها محاضرات الام مدرسة اذا اعدتها اعدت شعبا طيب الاعراق

شباصه مدعوسه • 13 سنة

يا الله موقف صعب

وباين ان بداخلها تراكمات لمواقف وضغوط كثيرة مرت فيها

اسأل الله أن يثبتها

أمها كأغلبية الأمهات الله يحفظهم ويعيننا على برهم

شوي صعبة بالنقاش

بس الأكيد ان قلبها طيب

ويمكن يضايقها ان بنتها الصغيرة بنظرها توجهها وتعلمها الخطأ

اشوف انه من الأفضل ان صديقتك تثبت على موقفها

بس بأسلوب ثاني .. بأسلوب غير مباشر

تنصح اخوانها اللي اصغر منها بالترغيب

يعني مثلاً يالله سباق مين يقوم يتوضأ أول

أو مثلا تستغل أي جلسة عائلية وتسوي مسابقة خفيفة بالدور << لاخوانها الصغار

وعلى مرأى من الكل

مين يقول ذكر وفائدته ... الخ من الأفكار

التي لعل إحداها تصيب قلباً غافلاً

كلنا نخطئ ونقصر .. والإيمان ينقص ويزيد

ولكن جهاد النفس واجب

نسأل الله الإخلاص في العمل وحسن الخاتمة يارب

.
.