عآشقة.. :

ع كثر المواقف اللي امرّ فيها گ اُم الا انو هالموقف لو يجيني زهايمر مستحيل انساه.. و بالرغم من خطورة هالموقف الا انو قوّا فيني جانبين ، المحافظة ع الاذكار و زيادة الحرص.. 💓 حنّا عندنا بيت ب الجنوب نروح له سنوياً سبوعين من الاجازة الكبيرة فقط (و بما انو بس سبوعين من كل سنة فما قد لاحظنا كل المخاطر الموجودة في البيت) كنت شبه يومي اقرا الاذكار و انفث ع اطفالي و استودعهم ربي و انام يومها كنت تعباانة من جمبي و الحرارة واصلة حدّها و تو طالعة من المستشفى و حالتي حالة .. و باليوم الثاني الصباح صحيوا قبل لا اصحى .. فطّرهم ابوهم و شغلّهم التلفزيون و عطاهم العابهم و ضبط وضعهم و جا نام و بالعادة عادي عندي اتطمن لو بلحالهم لان الحمدلله ما عندهم قطَع صغيرة يأكلونها و الابواب مقفلة تماماً و الافياش مرفوعة و البيت مفروش و كنبي منخفض و المكان اللي هم فيه مافيه اي اكسسوارات اثاث ابداً .. و كل شيء امااان يارب لك الحمد (عدا شيء واحد) هذاك اليوم صحيت ع صراخ ولدي الكبير قومي قومي قوميييي😫نونو 😭 هيّااااا.. قومييييييييي.. نونو .. نونو 😭😭😭 (و يروح ل اخوه و يرجع لي و يروح و يرجع لي) و ذاك اليوم ما ادري وش النومة اللي جتني يمين الله اسمعه يصحيني و يبكي و يحاول يسحبني و انام فجأة 😭 وقتها قمت و انا متنرفزة منه لاني تعبانة و بالحيل امشي و ما غير ادوخ و احاول ما اركز ب نظري عشان م ينقطع بصصري سحبني للبلكونة و يقول نونو نونو .. لفلفت اشوف وين اخوه الا و الاقيه معلّق ب الطاقة و ما اشوف الا يدينه الصغيرة و هي متمسّكة 😭😭😭😭😭 (كان عمره بالضبط 11 شهر و كم يوم .. متمسك ب الحدايد ب يدينه منطقة الكفوف .. بيتي ب الدور الثاني..) يمين الله يا ذاك اليوم ما ادري ايش جاني حاولت اتحرك من اول مرة عجزتتتت ب الاخير بعد ما شفت اخوه يحاول يساعدة و يبكي حسيت كأن من لطشني كف و اطييييييرررر له و مسكته ب يده و احاول ادخل راسه من بين حدايد (حامي الطاقة) بشويش بدون م يتأثر و اسحبه شوي شوي من بين الحدايد لحد ما دخل جسمه كله لعندي و احضنه 😭😭😭 حسيت اني ولدته من جديد ذاك اليوم من فرحتي انو نجا 😭 يا الله لا تذوق اي ام هذا الموقف المرعب حدايد الطاقة عندي جاية مربعات صغيرة لكن ابددداً ما قد خطر ببالنا انو ممكن يقدر يخرج منها من النحافة اللي هو فيها 😭لكن سبحان من وهبه القوة ذاك اليوم في انه يتمسك وقت طويل بالرغم من صغر سنّه و سبحان من وهبه جنود مجنّدة من عنده تحفظه لحد م اجيه😭 و من بعدها جلست اول يوم كامل متنومة بالمستشفى جتني رجفة و ضغطي يطييييح و ما اقدر انطق جملة كاملة ب شكل صحيح .. و كل ما تذكرت الموقف اتعب اكثر و تزداد الرجفة كنت انام ب منومات و ياالله لا تعيد ساعة الشر😭💔 من بعد هالموقف ايقنت تماماً دور الاذكار لاني ما نمت الا و قريت الاذكار عليهم و حصّنتهم و استودعتهم ربي .. و من بعد هالموقف صرت حريصة اككثرررر و اكثر انو اي مكان اروح له سواءاً بيت احد او فنادق الا و اتأكد من ان الافياش مرتفعة و ما في قطع صغيرة يحطونها ب فمهم و الطيَـق تكون مأمنة تماماً و الكنب مو مرتفع عشان طيحات السيراميك و اشياء كثيييرة صرت احرص عليها لكن ذي اكثر شيء .. لاني بين ليلة و ضحاها كنت راح افقد ولدي للابد اعوذ بالله .. بالرغم من اني ما احب اذكر هالموقف و اول مرة اذكره لكن كتبته هالمرة عشان بس احرّص عليكم گ امهات ما تنسون الاذكار ع فلذات اكبادكم💞

ع كثر المواقف اللي امرّ فيها گ اُم الا انو هالموقف لو يجيني زهايمر مستحيل انساه.. و بالرغم من...