موقف عرفتي نفسك فيه

مساء الخير ع الجميع🥀
موقف عرفتي نفسك فيه بالنسبه لي أمي وزوجي دائما ينبهوني بأني أنسانه تهرب من الواقع وما تواجه الأمور وتتقبلها ما كنت اسمع لهم
بوفاة ( جدتي ) من ابويا الله يرحمها ويغفر لها كانت الاقرب لقلبي جلست ٣ ايام العزا فبيتي ارتب فيه بشكل جنوني علماً بأن ماعندي الا ولد الله يخليه لي عايشه بعماره الطابق الثالث كنت انام واصحى ارتب.
كل شيء في البيت سويته حتى الجدران العاليه مسحتها ثالث يوم العزا جات عندي أمي مسكتني وتكلمت معاي هنا انفجرت وتعبت بعدها وكان اخر يوم لها بالعزا هو اول يوم استوعبت فيه انها راحت ولا عاد فيني اقدر اشوفها الله يرحمها ويغفر لها.
علماً بان قبل وفاتها تعبت وجلست اسابيع بالمستشفى كانت تزورها امي كنت اسئل امي عنها اطمن عليها بحكم اني بمنطقه ثانيه وكانت تلمح لي بشكل غير مباشر بأنها تعبانه مره ( الله يجعل مصابها مغفره ورحمه لها ) عرفت بعدها بأني فعلاً ما احب اواجه الأمور واتهرب منها.
هذي تجربتي حبيباتي شاركوني تجاربكم