موقف عور قلبي (استهتار)

سلام عليكم ورحمة الله وبركاته
كيفكم يا عسولات
قبل فتره قصيره كنت بمول وفوق فيه مطاعم وجلست انا وزوجي نتقهوى وقدامي على طول طاوله فيه ام وآب وطفله يمكن ٣سنوات وطفل اصغر من البنت المهم اللي لفتني ان الولد طول وقته يبكي بكااا غريب وهو صامت ويأشر لأمه وأمه ولا هنااااا على الجوال والله يا ان ما شفتها رفعت راسها وكان الطفل خايف ان ابوه يهاوشه والأب صوته عالي وبس يصارخ عليهم
البنت ابوها ضربها مع اني ما شفتها سوت شي وانصررعت قطعت قلبي شوي الا يضربها من رقبتها من ورا تشجنت وتصارخ وهي خلقه نحيفه ورقبتها صغيييره ياقلبي والأم ال ...ودي اسب
طبعا ولا طالعت فيها ولا حتى مسكت رقبتها تخفف الالم بيدها والله يا بنات بس على الجوال يد جوال ويد ماسكه بيبسي
شوي الا ابوهم طلّع حبه من جيبه وقعد يبلعها كذا رماها من بعيد وجالس يتلفت أحسه خايف احد ينتبه وصار يأكل بنته ويصارخ بنفس الوقت يعني تحسوا مخه فيه شي 💔💔او استغفر الله حق حبوب
انا مو معور قلبي غير استهتار امهم يعني لو اب شين انتي صيري زينه و حنونه طالعي بأطفالك شوي انا جالسه ابكي من تحت النقاب
مجرد ما شفت الابن يبكي وانا عيني عليهم كنت بقوم للأم اقولها شوفي ايش يبغى والله يا بنات ان عيونه منفخخه ونحيف واضح الولد فيه ومهمل وذابحه البكا ياربي ودي أنسى الموقف مررره ليش وصل الاستهتار لهدرجه
كنت ببلغ على ضرب ابوها لها بس زوجي جلس يهاوش يقول جايين نروق ومالك فيهم انا نقطة ضعفي الأطفال بالذات لاجوووك معنفين خلاص بالي طول الوقت معاهم 😓💔مو معقول الجوالات سلبت العقول كذا
فضفضه والله مدري ليش مو راضيه تروح من بالي مع اني شفت اشيا افضع