موقف غريب

السلام عليكم ورحمة الله وبركاته

مررره اشتقت اكتب مواضيع لاني ادري اني مقله بكتابة المواضيع ولكن قدر امكاني ارد على المواضيع الي يكتبوها الاخوات

ابقولكم موقف شفته

رحت الهرم الي في الدائري الجنوبي وهذا دائم اروحله كل فتره وثانيه وهناك عند البوابه يتجمع الي يطلبون الصدقه من الناس كان فيه 2 دائم يجلسو

واحد رجله مقطوعه والثانيه رجله سبحان الله معكوفه ومايقدر يمشي فيهم
(الحمدلله على نعمة الصحه الي اعطانى اياها الله)

بعد ما خلصت من السوق جلست عند الباب واشوف الحريم يعطون الرجال وكل ماعطته وحده وهو مادد يده على باله يدعيلها يتفل في يده ويحط الفلوس ويرجع يتفل ويتمتم بكلام والظاهر لنا دعاء!!!

كنت بقوم واقوله ليش ليش ربي خلقك كذا وقدر لك ان تكون فقير ليش الحقد هذا على الي ربي عطاهم ليش

ليش الناس صارت تاخذ التسول هوايه لها والله العظيم اني معرف اعطي مين صدقه
لا اقارب ولا حتى الي بشارع
ليش الحقد هذا كله على الي ربي عطاه يعني وصلت معاه انه يتفل على كل واحد ووحده تعطيه!!!!

والله حرمت اعطي احد وسرت اقول اتصدق بملابسي اظمن واوديه للمسجد اضمن لي

غير كذا العيال الصغار الي يهربونهم من اليمن مره رحت اشتري قماش في السوق الا وينط على ولد صغير يصيح ويحب على راسي وانا والله خنقتني العبره واعطيه الي عندي وامسح دموعه وجيت اليوم الثاني ونفس الشي يصيح قالي صاحب المحل هذا كذا ويشتغل في شبكه حق التسول والشحته

برضو وحده اعرفها اذا سافر زوجها تستغل الفرصه وتروح للاشارات الي في العليا تتسول والله ما اكذب

والهدف من موضوعي ان حبيت احكي عن الي شفته من المتسولين الكذابين هذولي