هلا بنات ..
كيفكم ؟؟
الله يسلمكم اليوم الظهر عالساعه 2 وشوي .. رحت التميمي انا واختي وولد خالي يوم دخلنا افترقنا عنه .. وتسوقنا وخلصنا .. طلعنا من السيفوي .. وتوي بطلع جوالي ادق على السواق عشان يقرب السياره .. ولى بسم الله جاتني وحده .. ومدت يدها تسلم علي انا واختي .. والله خفت امد يدي ...بس انحرجت وسميت ربي بقلبي ومديت يدي .. وبعدين جلست تعطيني محاضره طويله انا مثل امك .. ولاتزعلين مني .. ومن ذا الكلام .. انا قلت اكيد بتنصحني عشان عبايتي او فيه شي انا مو شايفته .. بس طلع بعد كل الكلام اللي قالته قالت انا ابي فلوس حق الليموزين .. كلها كم عشره لوووول تقولي انا كلها كم عشره .. وقصت لي قصة حياتها .. انه جايه مع بنتها .. وماعندهم احد يوصلهم ومن ذي الخرابيط .. بصراحه انا ماسمعت شي .. بس كنت افكر شلون اتصرف واصرفها واروح .. واختي ساكته ماترد .. مع انه شكلها مو طراره .. المهم قلت لها ماعندي كاش انا استخدم البطاقه وجايبه على قد ميزانيتي .. وقالت تكفين ساعديني انا من قبيلة ( .....) ماراح اقول اسم القبيله عشان مايصير خلاف .. وانه احنا عندنا خير .. الله لا يحدك على ذا الشي ..ومن ذا الكلام .. قلت ودي اساعدك بس ماعندي كاش وخربطت عليها .. بعدين قالت لي .. خلاص اجل عطيني رقمك الجوال .. عشان اسال عنك واطمن عليك وتساعديني .. انا هينا عررررررررررررررفت السررررررررررر .. طلعت اعوذ بالله .. تجر بنات .. يالله لا تبلينا .. انا هينا بغيت اشوتها صراحه .. قلت لها ماعندي جوال .. لانه جد شكلها مايدل على انها طراره .. ولو صدق تبي مساعده .. اكيد بتروح للجمعيات المختصه فيهم .. اما تاخذ رقمي عشان اساعدها وتسال عني بعد .. انا مع صديقاتي صارت لي بلاوي من وراهم .. هالمره وحده بالشارع تبي رقمي تسال عني لووول .. المهم راحت عننا واطلع جوالي ابكلم السواق اشوفه وينه تأخر رفع ضغطي ماجا .. ولى يجي ولد خالي وهو يضحك .. يقول هاه جتكم انتو بعد ؟؟ لووول طلعت جته يقول جتني وقلت لها مامعي احد وانا لحالي وانحششششششششششششش .. بعدين يوم رحنا لسيارة .. ولى اشوف بنتها واقفه وقفه غريبه .. والله خفت تغدر فينا .. من جد وقفتها تخووف .. بس سميت وقريت المعوذات ولله الحمد ماصار شي .. عاد ولد خالي يسولف لنا . .يقول حتى السوري خذت منه فلوس .. وسياره فيها خمسه عيال .. عطوها فلوس .. يقول كل هذا مايكفي الليموزين .. ؟؟ عاد عرفت وقتها لا طراره ولا شي .. اعوذ بالله انتبهو يابنات انا دايم اسمع انه التميمي اللي بالخبر مشبووه .. عاد الحين تأكدت .. انتبوو لاتكونون لحالكم معهم .. ولى تعطونهم فلوس .. ترى نصابات .. وماوراهم غير المشاكل ..
انا حبيت انصح لا اكثر..:26:
مريومه*_* @mryomh_2
كبيرة محررات
يلزم عليك تسجيل الدخول أولًا لكتابة تعليق.
لا يمكنك مشاهدة هذا التعليق لانتهاكه شروط الاستخدام.
اي والله
مدري وش فيهم ..
شاكره لك
مدري وش فيهم ..
شاكره لك
الصفحة الأخيرة
الحمدلله والشكر .. باين انها كذابه .. وانه قصدها شي ثاني ..
بصراحه شي غريب .. يعني اللي جابك الكويت يردك .. على الاقل تروح لسفاره صح ولى لا ؟؟
واذا محتاجه في الجمعيات الخيريه ..
عالم غريبه ..
الله يعين بس
شاكره لك ..