موقف غريب ومعبر

موقف غريب ومعبر
السلام عليكم ورحمة الله وبركاته
بنات صار موقف جدا غريب بس ضحكنا جدا انا واهلي:icon30: , رحت لاهلي زياره قعدت ساعه كذا الا وخالي يدخل علينا ومره معصب وش فيك خير ان شاء الله ؟؟
قال شفتوا فلانه (قصده اخته اللي هي خالتي ) , دقيت عليهم اسئل عن اخبارها قالت لي زوجها وعيالها كلهم نايمين وهي ودها بالسوبر ماركت .
يقول: قلت لها :اجل تجهزي بجيك اخذك ومريت عليها ووصلتها لسوبرماركت ولسه بطلع فلوسي من البوك اجهز نفسي عشان اشتري لعيالي احلفت علي بصوت عالي والله ماطلع فلوس والله فلوسك تقعد في السياره , يقول فكرت انها بتشتري لعيالي من عندها مادام حلفت , المهم يقول دخلنا السوبر ماركت واخذت هي عربيه وانا اخذت عربيه وصار كلن يملى عربيته ولما جيت عند المحاسب انا واياها قالت لي تعال على جنب وراحت تفتش في عربيتي ثم قالت اقول رجع الخرابيط هاذي يقول انقهرت قلت ليش قالت اقول رجع وانت ساكت والله مادفع عليهم مليم واحد وراحت تحاسب عن اغراضها و رجعت اغراضي وانا منقهر ,المهم اغراضها صارت في كيستين وشالوها في السياره , وانا عندي امل ان وحده من اكياسها تكون لعيالي , وحنا في السياره دق زوجها قالت له انزل تحت عند الباب شيل الاغراض ما اقدر اشيلهم وسكرت الجوال ووصلنا عند اللبيت الا ونلقنا زوجها عند الباب وتشيل كيسه وزوجها كيسه


انا\هنا هههههههههههههههه والله فطست ضحك اللهم اعفوا عنا
المهم خالي يقول جيتكم منقهر تحلف علي ولا تقسم لي اعوذ بالله وش ذا الحسد وهاوش وعصب وتكلم شوي الا والدموع من القهر وقعد يمسحها يحاول مايبين لنا ثم طلع بسرعه شكله بكاء..
استغفر الله والله ماتوقعت رجال نفسه خفيفه كذا اعوذ بالله , اخبرهم شديدين اقوياء وخالي ذا اكتشفت نفسه رديه استغفر الله , الله يشفيه ولا يبلانا.
المهم امي اتصلت على خالتي وش اخباركم وكذا قالت لها خالتي ابد رحت انا وفلان قصدها خالي لسوبر ماركت واشتريت لعيالي الاغراض الناقصه , بس تصدقين غريبه فلان نازل عليه الكرم كان يبي يعطيني فلوس من قبل لانزل وهذي مو عادته بس حلفت عليه وما خذتهم بس انه فضيحه جايب عربيه مليانه خرابيط لعيالي ورديتهم مدري وش الحب اللي نزل عليه شكله بداية التزام
ههههههههههههههههه يابنات امي ماعلمتها بشي بس لما سكرت ضحكت وش السالفه قالت خالكم رد عليه فعله قبل ما اتزوج ابوكم كنت صغيره شوي مراهقه وكنت جعانه لان ماكانت النعمه واجد مثلنا الحين , فا خالكم كان حسود علي , مايبي معي نعمه اول ماتوظف وعطوه راتبه اخذني واخذ فلانه وحده من خواته وقال اشتروا لكم اللي تبون تقول ابوي عطاني قبل اطلع فلوس بسيطه عشان لو ماكفت فلوس اخوي اللي وعدنا يعطيناها فكنت اشتري اشياء بسيطه ورخيصه لي واختي اشترت الغالي وكثير لها ولما رحنا لراعي البقاله نحاسب اخوي رد كل اغراضي ورفض اني ادفع فلوسي اللي ابوي معطينيها ودفع قيمة اغراض اختي تقول في المحل دمعت عيوني غصب عني ولما جيت البيت بكيت من القهر
ورجع لخالكم نفس فعلته.
سبحان الله كما تدين تدان موقف صغير بس نفسه نفسه رجع.